Maar leefs 7 deilnemers strieje um ’t 3-ke

De inschriévinge beej de Wortelepin zien weer geteld en bekeke. En waat bliek… In ’t jaor 2017 hebbe we maar leefs 7 dreejtalle die mei gaon doon veur ’t 3-ke. De enige echte optochpries veur trio’s. Netuurlik is d’r weer ein jury die alles geit beoordeile. De winnaer wuurt bekind gemak tiédes de reguliere priésoétreiking van de Wortelepin in ’t Raodhoes nao d’n optoch. De optoch trek zondaag 26 fibberwarie vanaaf 13.11 oor door ’t Bliërickse centrum.

16 Oppas Truuje Weej oppastruuje douwe met leefde dees ker
19 Bliërickse Raodsvrouwluuj (BRV) Weej gaeve ein rundje, want heej is ’t te doon!
27 De lionsklup Weej zitte prinsheerlik
35 Peters, Peters en Thissen Gen hoësartse, maar kerkartse!
42 Verhoeckx Weej striëke de priës op!
45 V.G. De Knoevelaers Heej is ’t te doon! Bliërick first, Venlo second.
50 Meulebös oudjes Waat ein pech, mien breevebus is weg!

De 3-kes ontvangt plaquette van Funke Rut-Wiess vun 1823 e.V.

Nao de bekindmaking van de Groët Venloosche Nar 2017 waas d’r veur De 3-kes auk nog ein verrassing. Peter Ottenheym goof names de ‘Kölsche Funke Rut-Wiess vun 1823 e.V.’ een plaquette aan De 3-kes. In november woort d’r veur ’t symposium samegewerk mit de vereiniging oét Kölle. Veur alle gooje zörg woort de plaquette aangebaoje. Peter Ottenheym haet as lid van dees vereiniging auk de nieje Nar bekind meuge make. Dit is 24 jarige Rob Jacobs oét Bliërick.