Optoch, Nar 2023 en borrele op de Maas

Eine kier per jaor prissentere weej ózze nieje hoégheid. Op zaoterdaag 11 fibberwarie steit De 3-kes Daag op ’t program. We beginne ’s morges en eindige s’aoves. We verzamele rond 11.00 oor beej kefee de Baek. Heej kómme hiel waat vastelaovesvereiniginge en joekskapelle beej elkaar. Umstreeks 12.00 oor wuurt in optoch nao ’t Stadhoés getrokke. Op de mert wuurt de Groët-Venloosche Nar 2023 oétgeroope rond 12.33 oor.

We hebbe dit jaor weer de band Linke Mik op de mert veur ’t Stadhoés. Zeej gaon inkele nummers speule en zörge veur de juuste stumming. Wae de Nar in 2023 bekind meug make, det laote we binnekort weite!

Meidoon aan d’n optoch?
Vereiniginge, joekskapelle en club-Kes die mei wille doon aan d’n optoch kinne zich aanmelde beej Rob Jacobs via robjacobs@de3kes.nl. Optochdeilnemers deene zich te halde aan ’t Reglement De 3-kes Daag (klik heej).

Heejnao vindt ‘Vastelaovend op de Maas’ plaats. Mit de Maashopper waere verschillende stadsdeile aangedaon. Euveral kinne minse aan boort kómme um kinnes te make mit de nieje hoégheid. Nao deese middaag vol joeks gaon we bikke mit de Nar en ’s aoves waere d’r nog ’n aantal bezeuke aafgelag in Groët-Venlo.

Bin d’r beej! gratis

Kiek heej nao de optoch en ’t oétroope 2020!

Vastelaovend op de Maas, vaarschema

Plaats:Tiëdstip:
Venlo, Maaskade13.00 – 14.45
Bliërick, Sur Meuse15.00 – 15.30
Belvend, Mergelstraatje16.00 – 16.30
Tegele, ’t Schip16.50 – 17.20
Venlo, Maaskade18.00 – 18.20
Bliërick, Sur Meuse18.30 – 18.40
Op de truukwaeg waere de gaste afgezatte 
 Tegele 18.50 oor
 Belvend 19.15 oor
  
  
  
  
  
  

Wae wint de € 333,33 in 2023

De veer genomineerde die kans make op de ‘Groët Venloosche Vastelaoves Injeksie’ zien bekind. In november 2022 hebbe organisaties zich met ein initiatief kinne melde. ‘t Bestuur van De 3-kes haet beslaote um de veer initiatieve die zien ingesteurd allemaol kans te laote make.

Op de facebookpagina van De 3-kes kinne minse van maondaag 13 fibberwarie tot zaoterdaag 18 fibberwarie 11.11 oor stumme op de kandidate. De inzender dae de meiste likes op zien berich haet, wint ‘t geldbedraag. De cheque wuurt op vastelaoveszondaag oétgereik.

De genomineerde

De Törvers (Venlo) wilt de begeleiding van de jeugaafdeiling gaer ‘n herkinbare staek of sjaal aanbiede, De Bliërickse Herte (Bliërick) wil op vriédaag 17 november 2023 eine buutaovend organisere, Broederschap St. Martinus (Tegele) wille in september ein carnavalesk ‘Koning der Hooghede toernooi’ organisere en De Herfshane (Venlo) gaeve jong talent de kans um vastelaovesleedjes te make.

Mit ‘t bedraag van € 333,33 ondersteunt De 3-kes jaorliks éín good vastelaovesinitiatief in de gemeinte Venlo.