Bekiek heej de liéste van de Top 4×11

Heej onder vindse de Top 11 lieste van de plaatse Arce, Belvend, Lomm en Velde.

Ârce

  1. Same | Pé en Wiel Reivers, Wim Janssen (1995)
  2. Gaef mich mâr Ârce | Margriet Montens & Wiel Reivers (1991)
  3. 5×11 jaor Keieschiéters | De Raod vân Ellef (2006)
  4. Weej kunne neet wáchte | Theo Collin (1994)
  5. Zonne daag | Pé en Wiel Reivers, Wim Janssen (1995)
  6. De vastenaovendopa’s | de OPA’s (2000)
  7. Dit Ârces lánd | De Revuekemissie mit ‘t Revuekoër (2006)
  8. Âs ‘t zunke wer giët schiéne Pé en Marij Reivers (1993)
  9. Ik háld vân Ârce | Pé en Wiel Reivers, Wim Janssen, José Reutelingsperger (1987)
  10. Laeve en laote laeve | Mannekoër ’t Remspaor (2002)
  11. De sleutel vân de kroeg | Geert van Rijswijck, Hans Siemes, Joost Reivers (2002)

Belvend

  1. Crit Janssen – Krank op de bank – 2007
  2. de Kuumers – Ein Belvends ruuske – 1978
  3. de Kuumers – d’n denneknoep – 1979
  4. Geert Boots en Jacques Geurts – de Aad Prinse – 1994
  5. Laura Hendrikx – Ut Belhamelsjaöpke – 2003
  6. Jacques Geurts en Marie-Louise o.h. Veld-Driessen – “Gooje morge gooje daag” – 1992
  7. Chrit Janssen – Ich ken ’t preuve neet laote – 2005
  8. Crit Janssen – Eine Dieke – 2009
  9. Bert Wilbers Jacques Geurts Vilma Houba Suzanne van Bree – de Traöterie – 1999
  10. Jose Stürbl en Bert Wilbers – de Belhamelbel – 2005
  11. Guido Spitz – Ein Belvends ruuske – 1978

Lomm

  1. Lômm is de allerfenste plâts | Patrick van Rens, Joop & Peter Theelen en Koor (versie 2011)
  2. Wae is de prins dit jaor? | Jos Bartels, Joop & Peter Theelen (2011)
  3. Ald Prinse pien | De Ald Prinsen van Lomm (2009)
  4. Ens in ’t jaor | Joop & Peter Theelen (2011)
  5. De Ritspolonaise | Jos Bartels, Joop & Peter Theelen (2009)
  6. Ôzze ni-je prins | Jeu van de Diep (1988)
  7. Weej zien Rob | Rob Simons & Rob Theelen (2009)
  8. Thei, ut ei! | Kim Bugdoll en Nicole van de Kerkhof (2011)
  9. De Prinsegarde | Jeu van de Diep (1996)
  10. Dao zit meziek in | Jeu van de Diep (1981)
  11. De Mutseklup | Patrick van Rens, Cindy Pingen & Petra Maessen (2011)

Velde

  1. Opperwuilus Zien | Enne Bink  (2020)
  2. Die twie det waore weej | Ald Adjudanten (2008)
  3. Genne boer | Jan Aerdts, Peter Theelen, Dennis Janssen (2013)
  4. Vanaovend | René Geelen, Linda van Lipzig, Manon Vosbeek, Esther Rothoff  (2017)
  5. ’t Klökske Rond | Enne Bink (2022)
  6. Dit Is Gekke Maondaag (Jubileumlied 6×11) | Ron Deenen, Marissa Verhaegh  (2016)
  7. Paard in de Gang | Kaviaarknauwers (Ald Adjudanten)  (2016)
  8. Zwevend as ein blunke | Ton Mann & Gerrie Fleuren & Reyanne Geurts (Hermkens)  (1999)
  9. Gekke Gekke Maondaag | Ron Deenen, Marissa Verhaegh (2021)
  10. De Gekke Maondaagstrein | Chick Magnets  (2011)
  11. Heej! | Kaviaarknauwers (Ald Adjudanten) (2017)

In 2023 wuurt d’r weer ein nieje Top 4×11 oetzending gemak.

Top 33 van Tegele bekind

Op zaoterdaag 12 fibberwarie ware de leefhebbers van ’t Tegelse vastelaovesleed aan de beurt. Maar leefs 33 alde en niejere liedjes kwame op De 3-kes radio veurbeej. Heej onder nog ens ’t euverzich van alle nummers. Volgend jaor kin d’r weer gestump waere op ein nieje Top liés.

  1. Optôch | Luuk & Frank (2004)
  2. De luchtepaol | Toon Schalks (2000)
  3. Ich bön in Tegele gebaore | Wim Beurskens (1983)
  4. Wat mak-se mich nów | Waan! (2020)
  5. En as weej wir nao Tegele gaon | Zanggroep de Vlaegels (1982)
  6. Unne late | Thei & Marij (1993)
  7. Honderddoézend kier | Thei & Marij (1996)
  8. Hey, kiek toch ens nao mich | Wie Laater Wie Zaater (2013)
  9. De laefs maar eine kier | Sandra & Marco (2016)
  10. As de knakwors neet mier knak | Toon Schalks (2002)
  11. Beerpiëptrio 2019 | ‘t Is Vastelaovend (2019)
  12. Met d’n optoch mei-j | Wim Beurskens (1984)
  13. Gaas d’r op | Wie Laater Wie Zaater (2014)
  14. Nôw geit ‘t daak d’r aaf | Wie Laater Wie Zaater (2015)
  15. Den Oeles hoeg | Oeleskoer (1937)
  16. Ich ving mien slaopkamer neet mier | Sandra & Marco en Wie Laater Wie Zaater (2014)
  17. Zoé vruug | Sandra & Marco (2006)
  18. Vastelaovesleefde | Kelly Peters en Fenna van Aarssen (2015)
  19. As weej gaon | Sandra en Marco (2019)
  20. ’n kink van doezend waeke | Sef Houba (1982)
  21. t Sjteit in de sjterre gesjreeve | Lei Driessen (1980)
  22. Zónger ós | Sandra Geraats-Simons & 12 aad ‘Oeles’-prinsen (2006)
  23. D’n Duuvelsbal | Marianne Schweitzer (1976)
  24. ’t Is alweier zoé wiéd | Döbbel hae, döbbel het (2002)
  25. De tapijt kaever | Dré Geraeds & Elbert Schroers (1961)
  26. Steyl is ut sjoenste plaetske | JK De Kaetelaers (????)
  27. Kom mei | Kelly Peeters & Fenna van Aarssen (2016)
  28. Dit is Vastelaovend | Thei & Marij (2016)
  29. Waat kin t toch gaeve | Sandra & Marco (2018)
  30. Boereraods lied | Boereraods Koer (1986)
  31. Weer efkes einentwintig | Thei & Marij (2002)
  32. Achteroét Achteroét | Groep Vriendenkring (1972)
  33. Dow bös ’t gans | Thei & Marij (1987)

Top 11 van De Wien

In 2022 hebbe we veur de iërste kier eine Top 11 oétgezonde mit liedjes van De Wién oét Venlo. De oétzending waas zaoterdaag 29 jannewarie.

  1. Hans Goertz – As ik dich zeen – 1973
  2. Jacqueline Derikx / Erik Erprath / Gerard Vonk / Marlie Hanraths – Sankt Venlo – 2022
  3. Frans Wassen – Det kefee op d’n hook – 1979
  4. John Baur / Francois Vervoort – Op idder blutske pas ein mutske – 2019
  5. Daisy Gaspersz / Francois Vervoort / John Baur – D’n Ingel – 2022
  6. Elise en Daisy Gaspersz – Wienbölke – 2018
  7. Marc Houwen / Nancy Roodbeen-Schelberg – Plök d’n daag – 2018
  8. John Baur / Francois Vervoort – Kom doot mei – 2020
  9. Nancy Roodbeen / Marc Houwen – Dit mak weer alles good – 2022
  10. Nancy Roodbeen / Marc Houwen – Laevesmedisien – 2019
  11. Jacqueline Derikx / Erik Erprath / Gerard Vonk – D’n allerletste – 2020

In 2023 organisere we ‘nne nieje Top 11 van de Wien.

Top 33 Bliërick

In 2022 hadde onderstaonde liedjes ein notering in de Top 33 van Bliërick.

  1. Blariacum Baeregood | Stamtaofel de waerbörstels (1987)
  2. De Wortel en de pin | A. Renkien (1947)
  3. Minse van ’t gooje laeve | Lonneke van Doorn, Annette Hermans, Ruud Geeraets en Wim Janssen (2019)
  4. Straks is ut weer aswoensdaag | Giel Geurts en Tiny Hofman (1975)
  5. Blie des dich d’r bis | Lonneke van Doorn, Annette Hermans, Ruud Geeraets en Wim Janssen (2021)
  6. Heej is nog plaats veur dich | Lonneke van Doorn, Annette Hermans, Ruud Geeraets en Wim Janssen (2020)
  7. Stuupke op, Stuupke aaf | Leo van Heyster en Michel Jeurissen (1993)
  8. De Hudjes | De Vrijbuiters (1980)
  9. Beej mien moder | Peter Jansen en Wim Janssen (2001)
  10. Vastelaovend in de zón | Lotte van Bergen en Roy van den Broek (2021)
  11. Alles kump good | Onno Vaessen, Bert Buskes, Graat Peeters, Paul Lenders (2007)
  12. Gelök | De Vrijbuiters (1980)
  13. Wie wet het det? | Peter Jansen, Wim Janssen (2003)
  14. Met dich | Roy van den Broek (2016)
  15. Bliërick | Bart Janssen (2008)
  16. 2021 | Willy Billekens en Bart Janssen (2021)
  17. Eine moeie mins | Graat Peeters, Paul Lenders en Onno Vaessen (2019)
  18. As ik ens wis | Duncan Nikkelen, Jason Hafmans, Willem Koopmans, Niels Vestjens, Dion Jeucken en Thuur Zumdick (2021)
  19. Veer kleine wäördjes | Mieke Stevens en Hans Mans (1984)
  20. Zoë wie ik bin | Roy van den Broek en Ingrid Janssen (2015)
  21. Truuk van weggewaes | Mieke Stevens en Hans Mans (1981)
  22. Dan bin ik blie… | Peter Jansen en Wim Janssen (2005)
  23. Spiët | Roy van den Broek (2009)
  24. Doot det nog eine kier | Roy van den Broek, Lisette Geraedts, Marloes v.d. Ham en Roy Rens (2012)
  25. Dao geit-e weer haer | Peter Jansen, Wim Janssen (2008)
  26. Weej zette de bleumkes boëte | Michel Jeurissen en Lei van Heyster (1992)
  27. Drama op d’n Hacienda | De Vrijbuiters (1980)
  28. Kôm euver de brök | Bernie Billekens en Leon Theuws (2000)Wortelestamp | Mark & Petro Janssen, Marius & Vic Suiker (2005)
  29. Wengske aan Wengske | De Vrijbuiters (1980)
  30. De plekkers | Henk Sneyers en Sef van Doorn (1995)
  31. Bliërick | Wil van Gassel (2002)
  32. De slup van mooder Maas | Claar Boots en Wiel Aerts (1984)

In 2023 kin d’r weer gestump waere. Laot dan dien stum weer huure.

Top 33 liés Venlo

Op zaoterdaag 29 jannewarie 2022 brachte weej veur ’t iérs de Top 33 Venlo op De 3-kes radio. Onderstaond de liés die door de luusteraers is samegesteld.

  1. Hay Vercoulen – Ik hald ’t kort – 2019
  2. Felix Peters – Sjiengele, sjiengele boem – 1950
  3. Christel Wouters en Bart Houtermans – Ein jaor – 2004
  4. Ben Verdellen – De vastelaoves-samba (Ome Wilie) – 1980
  5. Jacques-Paul Joosten, joost Cornet, Chris Vervoort en Chris Thenu – Veur altiéd eine Venlonaer – 1995
  6. Christel Wouters, Hay Wilders en Quinn Warmerdam – Höf de glazer in de lôch – 2003
  7. Wiel Vestjens – As de sterre dao baove Straole – 1977
  8. Peter Jansen en Wim Janssen – Ein maedje oét Tegele! – 2001
  9. Sjraar Peetjens – Minsekinder, waat ein maedje – 1957
  10. Peter Jansen en Wim Janssen – Dèh dan, dao isse! – 2003
  11. Bart Janssen en Kristel Roulaux – Vastelaovesbuuje – 2016
  12. Frank Donders – Kiék nog eine kier um – 2005
  13. Mark Janssen, Bart Houtermans en Jacques-Paul Joosten – Vrinde – 2006
  14. Bram Holla en Ruud Stikkelbroeck – De kriebels – 2008
  15. Hay Peters en Paul Peters – D’n disco dans – 1982
  16. Joke Theeuwen en Wiel Vestjens – Zutjes aan – 1989
  17. Wiel Vestjens en Gé Deenen – Josefien – 2000
  18. Bram Holla, Ruud Stikkelbroeck – Optoch-leed – 2003
  19. Ben Verdellen – ‘t benkske – 1979
  20. Peter Jansen en Wim Janssen – Jao, waat duisse dan? – 2010
  21. Bert Pollux en Herm Pollux – Laot gaon dae wage – 1984
  22. Peter Jansen en Wim Janssen – Wies heej – 2007
  23. Peter Jansen en Wim Janssen – Wao laot ik noow die träöt? – 2006
  24. Jan Derijk, Paul Klaassens, Joep Bindels en Paul van Steenkiste – Dao kump Sjakie haer – 2022
  25. Wiel Vestjens – Merieke en zienen Huzaar – 1979
  26. Wiel Vestjens – Lekker zunke – 1978
  27. Hannelore Winter – Joetse jatse – 1974
  28. Peter Jansen en Wim Janssen – Vanoét d’n Hemel – 2004
  29. Annemarieke Leurs, Roel Daniëls-Peeters en Kristel Roulaux – Kômme traone dan gaon we – 2018
  30. Wiel Vestjens – Wae hebbe we dao dan? – 1969
  31. Hay Crompvoets – Venlo am Rhein – 1978
  32. Hay Steegh – Gaer Venlonaer – 1980
  33. Wiel Vestjens – In ‘t Jaomerdal – 1980

In 2023 kin d’r weer opniej gestump waere op de Top 33 Venlo.

Stum op ein of mierdere Top liéste

Sjiengele Boem, De Wortel en de pin, d’n Denneknoép, Gaef mich mâr Ârce of Ich bön in Tegele gebaore, welke liedjes verschiéne d’r in de topliéste van De 3-kes? Vanaaf vandaag kinne leefhebbers van het vastelaovesleed ein waek lang stumme via deese site.

Dich kins mei beslisse welke liedjes waere gedreid. We make in 2022 de volgende Top liéste:

Top 33 Venlo, Top 33 Bliërick, Top 33 Tegele, Top 11 Arce, Top 11 Belfeld, Top 11 Velde, Top 11 Lomm & Top 11 De Wien

De live oétzendinge vinde plaats op zaoterdaag: 29 jannewarie, 5, 12 en 19 fibberwarie vanaaf 10.00 oor ’s morges. Se zien te volgde via De 3-kes radio, ôzze app, youtube en facebook.

Stumme kin tot en mit woensdaag 26 jannewarie! Vuul plezeer mit kieze.

Klik heej um nao de stumpagina te gaon

De Top-liéste waere mei meugelik gemak door Just Fire Nederland.

De 3-kes radio weer online

Tot en mit Aswoensdaag 2 maart 2022 kinse weer non-stop luustere nao De 3-kes radio. Helse van de vastelaovesliedjes oét Groët-Venlo, van Belfeld wies Arce? Stum dan aaf op ’t enige joekstation van de gemeinte Venlo.

We biede verschillende meugelikhede aan um nao De 3-kes radio te luustere.

Luuster via deese site

Onderstaond ein opsomming van euverige meugelikhede:

  1. Luuster via de De 3-kes App (Android/iOS)

Installer de De 3-kes mobiele app op dien tillefoon of tablet en luuster einvoudig nao De 3-kes Radio. Gank noow direk nao de Play Store (Google) of de App Store (Apple).

2. Luuster via TuneIn (Sonos, Heos, Smart TV)

De kins haos idder “slum” apparaat gebroeke um nao De 3-kes Radio te luustere. De meiste van dees apparate hebbe in eure app of via de app store, als ’t um unne smart-TV geit, de meugelikheid um de TuneIn Radio app te installere of gebroéke.

In de TuneIn app kin se zeuke nao “De 3-kes Radio” en det vervolges toevoege aan dien favoriete um toegang tot non-stop Vastelaovend beej de hand te halde.

3. Eige internetradio (Stream URL)

Wils dich De 3-kes radio luustere op diene eige internet-radio? Dan haes dich ’t streamadres van De 3-kes radio nuúdig.

Adres 1 – MP3 codec
https://radio1.de3kes.nl/radio/8000/radio1
Adres 2 – AAC codec
https://radio1.de3kes.nl/radio/8000/radio2

4. De 3-kes Radio in ôg bedrief (RAAS)

Bring de Vastelaovend beej dien bedrief of organisasie nao binne! De kins taltiéd de De 3-kes App of ôzze site gebroéke um De 3-kes Radio aan te zette.

Veur bedriéve of winkelumgaevinge wao ’t van belang is det d’r muziek blief klinke, auk op ’t moment det beejveurbeeld de verbinding efkes weg velt, introdusere weej ‘Radio As A Service’ (RAAS). Asse gebroék wils make van RAAS kômme ôs technici beej dich eine door ôs beheerde speuler installere dae weej aansloéte op dien geluudsinstallatie. In ’t geval det d’r dan wat mit de verbinding zoel gebeure zörg ôzze speuler d’r veur det d’r vastelaovesmeziék blief klinke en krieg ôs technisch team ein melding waomei weej dich kinne helpe.

RAAS aanvraoge? Steur efkes ein mailtje nao radio@de3kes.nl.

Let op: De bis zelf verantwoordelik veur de licenties die nuúdig zien um radio binne dien bedrief of organisasie aaf te speule. Weej facilitere mit RAAS allein de techniek.

D’r is weer € 333,33 veur ein good ideej

Op 3 maart 2019 hebbe weej ’t initiatief: ‘Groët Venlose Vastelaoves Injeksie’ gelanceerd. Mit ’t bedraag van maximaol 333,33 euro ondersteune weej jaorliks éín good Vastelaovesinitiatief in de gemeinte Venlo. Jaorliks kinne persoéne, vereniginge, clubkes en organisasies zich kandidaat stelle um ’t bedraag toegeweze te kriege.

Bis dich dus de scouting oét Belfeld die nieje mutse nuudig haet veur de jeughoéghede, bisse ein beginnend bouwclubke van de Poerkerplak en hesse geld nuuédig veur ôgge wage of bisse ‘nne waore vastelaovesvierder oét Arce en hesse ’n geweldig ideej veur ein niej evenement? Laot ’t ôs weite en stel dich kandidaat veur de ‘Groët Venlose Vastelaoves Injeksie’.

Veurwaerd zien

  1. ’t Môt Vastelaovesgerelateerd zien.
  2. ’t Môt ein initiatief binne de gemeinte Venlo zien.
  3. De môs kinne aantoéne desse ’t geld d’r auk daadwerkelik veur hes gebroék.

De hes de hiele maond november de tiéd um dich in te schriéve. Det kin door de de 3 onderstaonde vraoge in te vulle. Aanvullend vraoge weej dich um ein visualisatie (plaetje, teikening of foto) van dien ideej mei te steure. Allein volledig ingevulde inschriéfformuliere waere opgenaome in de seleksie. In december kies ’t bestuur van De 3-kes oét alle inzendinge 3 kandidate.

Dees 3 ideeje waere van 1 t/m 9 jannewarie 2022 op de facebookpagina van De 3-kes gezatte. Vervolges wint de inzender dae de meiste likes op zien berich haet. Op zondaag 23 jannewarie wuurt tiédes De 3-kes Narre-Zitting de cheque oétgereik aan de winnaer van de € 333,33.

Meidoon

Vul ’t onderstaonde formulier in en steur metein ein visualisasie (plaetje, aafbeelding of foto) mei van dien ideej. Allein asse ’t gehiel kompleet aanlevers, wuurt ’t verzeuk meigenaome in de seleksie.

Upload ein visualisasie van dien ideej.

Maximaal 3 bestande, Maximaal 5MB, Ondersteunde bestandsformate: jpg, jpeg, png, pdf.

Anja Westheim de stille krach van oktober

Iddere 3e zaoterdaag van de maond zette weej wies aan Vastelaovend 2022 eine echte VastelaovesVreejwilliger in ’t zunke. Wae zien die stille krachte op de achtergrond? De achste VV-er Anja Westheim-Jacobs, gebaore en getaoge in d’n Bookend.

1. Waat duis dich um de vastelaovend laevendig te halde?

Mien elders hebbe mien broor en mich altiéd mei op paad genaome. Van kleins aaf aan vier ik dus al vastelaovend. Mien elders stonde beej ’t kefee Mie van Rutte achter d’n tap en weej rende as kinder dan door de kroeg. Nog altiéd viere weej vastelaovend in d’n Bookend. We laote ôs aevel auk zeen in Bliërick tiédes de Groëte optoch mit ôs jeugclub Don Bosco en de Worteleschrabbers. Netuurlik is ôzze jeughoégheid dan auk altiéd van de partie.

Veur de jeughoégheid meug ik al jaore de proklamasie opmake. Op de liégere schoél heb ik mich zelf liere kalligrafere, oftewaal schoënschriéve. Miene meister Mark Hinssen schreef toendertiéd in de poëzie-albums in kalligrafie. Det vond ik zoé sjiék, det ik det zelf auk woel kinne. In 1996 kreeg ik de vraog of ik de proklamasie van jeugprins Bart woel schriéve. Det ging zoé good det ik det nog altiéd meug doon.

’t Blief ein biezonder spel um al van te veure te weite wae de nieje jeughoégheid wuurt. Veural umdet ik zelf kinder heb in dae laeftiéd. Die zien netuurlik hiel niejsgierig.

2. Waorum vindse ’t belangriék um dich in te zette veur de Vastelaovend?

Ik vind ‘t belangriek det vastelaovend blief bestaon. Ik heuf thoés auk ech neet veur te stelle um op vakansie te gaon met de dolle daag. We zegge altiéd ‘Op vakantie kinse 51 waeke per jaor, maar neet mit vastelaovend’. Ik zeen wal verschille tösse vastelaovend viere in de stad en in ein dörp.

In d’n Bookend  zuusse det ‘t lastiger wuurt um ‘t elk jaor weer aantrekkelik te make en de minse nao Boostenhof te kriege. De balle en recepties veuraaf en de twië daag in Boostenhof mit Vastelaovend zien altiéd erg gezellig. Ik bin dan auk altiéd present. Auk leuk det De 3-kes idder jaor op maondaag de trouwerie duit begeleide.

De samewerking tösse jeugclub Don Bosco en de Worteleschrabbers geit erg good. Zeej weite jaorliks ein good programma neer te zette. De stad liek waal mit ’t jaor drökker te waere.

3. Bliefse dich in de toekoms inzette veur de Vastelaovend?

Ik haop det ik nog jaore de proklamasie meug schriéve veur de Jeugprins of -prinses. Op dees meniér blief ik mien steinke beejdrage aan de Bookendse vastelaovend. De jeugclub haet gelökkig vuul entoesiaste vreejwilligers die zich vol euvergave inzette um de jeugvastelaovend meugelik te make.

Good is auk um te zeen det d’r op dit moment weer genôg aanwas is um de jeug raod van elf same te stelle en ein trio oét te roope. Det is auk waal ens anders gewaes, umdet d’r simpelwaeg neet genôg kinder ware. Die zien d’r noow weer waal en zeej wille auk viere.

Tot besloét bin ik bliej det weej ôs kinder ’t vastelaovesvirus mit de paplaepel hebbe meigegaeve. We hebbe eur altiéd mei op paad genaome. Inmiddels zien ‘t 3 echte vastelaovesgekke die ’t fees veur gen gôld wille misse. De femilie Westheim is veurluipig dus nog neet oétgevierd in ôs kleine en hechte gemeinschap.

OPROOP: Kins dich ‘nne VV-er dae ’t verdeent auk ’n kompliment te kriege, dan laot ’t weite via info@de3kes.nl. In november verrasse we weer emus in de Gemeinte Venlo mit ‘nne helium-ballon!