Op zaoterdaag 18 fibberwarie 2017 vindt De 3-kes Daag plaats. Veurig jaor veel dae letterlik in ’t water. We spraeke de haop oét det we deese kier waal weer in optoch door de binnestad kinne trekke. Verzamelplek is weer kefee de Baek.
De Groët Venloosche Nar 2017 meug weer as Groëte Onbekinde de optoch aafsloéte. Umstreeks 13.03 oor wuurt de nieje hoégheid bekindgemak door nemus minder as Rote Funken lid Peter Ottenheym.
Zet de datum ves in de agenda. ’s Middaags vaart auk de Maashopper weer oét en vindt de gratis aktiviteit ‘Vastelaovend op de Maas’ plaats.
Meidoon aan d’n optoch?
Vereiniginge, joekskapelle en club-Kes die mei wille doon aan d’n optoch kinse zich aanmelde beej Bart Verheijen via bart@de3kes.nl. Optochdeilnemers deene zich te halde aan ’t optoch reglement (klik heej).
Vastelaovend op de Maas, vaarschema
| Plaats: | Tiëdstip: |
| Venlo, Maaskade | 13.30 – 14.45 |
| Bliërick, Sur Meuse | 15.00 – 15.30 |
| Belvend, Mergelstraatje | 16.00 – 16.30 |
| Tegele, ’t Schip | 16.50 – 17.20 |
| Venlo, Maaskade | 18.00 – 18.20 |
| Bliërick, Sur Meuse | 18.30 – 18.40 |
