De optoch en ‘t bekindmake van de Groët Venloosche Nar 2018 wuurt veur de twiëde kier live oétgezonde via facebook. Verandering ten opzichte van veurig jaor is det d’r noow same wuurt gewerk mit ein produksiebedriéf. De produksie haet daodoor ein flinke professionaliseringsslaag kinne make. Daornaeve werk partner Systemec weer mei um ein stabiele internetverbinding tot stand te bringe. D’r wuurt een registrasie gemak mit dreej camera’s vanaaf de mert.

De oétzending start um 12.30 oor en is te zeen via de facebookpagina van De 3-kes. De Groët Venloosche Nar 2018 wuurt bekindgemak door Ron Dings, zenger van dialekband Van Gelder. ‘t oétroope is auk weer live te volge via www.de3kesradio.nl. Aansloétend vindt ‘Vastelaovend op de Maas’ plaats. Vastelaovesvierders kinne gratis meivare mit de Maashopper. De boét leet vanaaf 13.30 oor aangemeerd aan de Maaskade.

LET OP: Door ’t hoégewater kin d’r neet in Bliërick waere aangelag.