Auk tiédes De 3-kes Narre-Zitting 2019 is d’r ein Mini-Nar oétgeroope. De aanwezige zooge in de Venlonazaal zondaag 27 jannewarie Marissa Geertsma geproklameerd waere tot 5e Mini-Nar van De 3-kes.
Tiédes de oétverkochte De 3-kes Narre-Zitting woort aafscheid genaome van Mini-Nar Owen Gommans oét Venlo. Hae droog ‘t stökske euver aan ziene opvolger Marissa Geertsma oét Bliërick. Het zit in groep 3 van basisschoél ’t Palet en is zes jaor. Op school liert ‘t laeze, schriéve en raekene. ‘t letste vak is zien lievelingsvak. Marissa zit op zwumles en duit aan judo. Naeve frietjes aete is de Mini Nar auk dol op vers fruit, mit name ananas. As lievelingskleur haet Marissa greun.
Marissa goof tiédes zien wäördje aan det het alle aanwezige eine hiele fijne vastelaovend wins. Het vindt ‘t kei leuk om alle mini-Groët-Venlonaere veur te meuge gaon. Weej winse um hiel vuul plezeer in zien funksie as jeughoégheid.
Euverzich Mini-Narre
Mini-Nar Marissa I (Geertsma) 2019
Mini-Nar Owen I (Gommans) 2018
Mini-Nar Jens I (Klerken) 2017
Mini-Nar Florijn I (Verweij) 2016
Mini-Nar Sam I (Horvers) 2015
