Skip to content

Niejsberich

6e Mini-Nar De 3-kes: Jarno van Veggel

Auk tiédes De 3-kes Narre-Zitting 2020 is d’r ein Mini-Nar oétgeroope. De aanwezige zooge in de Venlonazaal zondaag 12 jannewarie Jarno van Veggel geproklameerd waere tot 6e Mini-Nar van De 3-kes.

Tiédes de oétverkochte De 3-kes Narre-Zitting woort aafscheid genaome van Mini-Nar Marissa Geertsma. Het droog ‘t stökske euver aan ziene opvolger Jarno van Veggel oét Bliërick. Hae zit in groep 6 van basisschoél Titus Brandsma en is 10 jaor.

Jarno is in Bliërick al bekind vanwaege ‘t optraeje waat hae duit. In ‘t verleeje haet hae al dökker op de buun van de Wortelepin en de Flarussen gestaon en aafgelaupe jaor zong hae auk ‘n liedje tiédes jeugevent SPAN. Zien aller, aller groëtste hobbie is dan auk vastelaovend. Ziene pap is lid van de Wortelepin. Daorum is Jarno al van kleins aaf aan meigenaome nao de Wortelekoel in Bliërick.

Jarno goof tiédes zien wäördje aan det hae alle aanwezige eine hiele fijne vastelaovend wins. Hae vindt ‘t kei leuk om alle mini-Groët-Venlonaere veur te meuge gaon. Weej winse um hiel vuul plezeer in zien funksie as jeughoégheid.

Medalje veur Marissa

Tiédes ‘t aafscheid van Mini-Nar Marissa had de Groët Venloosche Nar Dylan I (2019) nog een klein kedootje. Hae had veur Marissa eine medalje laote make as aandinke aan de sjieke periode as Mini-Nar. Dylan en Marissa zien in 2019 auk waal ens same opgetrokke.

Euverzich Mini-Narre

Mini-Nar Jarno I (van Veggel) 2020
Mini-Nar Marissa I (Geertsma) 2019
Mini-Nar Owen I (Gommans) 2018
Mini-Nar Jens I (Klerken) 2017
Mini-Nar Florijn I (Verweij) 2016
Mini-Nar Sam I (Horvers) 2015

Ander niejs

Blief gezond! In deese biezondere tiéd
‘t Zien biezondere tieje. We
De winnende lotnummers op ein riej
Op donderdaag 20 fibberwarie haet