Skip to content

Niejsberich

Bas bedank

Bas Scheffer de VV-er van juni

Iddere 3e zaoterdaag van de maond zette weej wies aan Vastelaovend 2022 eine echte VastelaovesVreejwilliger (VV) in ’t zunke. Wae zien die stille krachte op de achtergrond? De veerde VV-er is Bas Scheffer van de Thiëtuite oét Lomm.

1. Waat duis dich um de vastelaovend laevendig te halde?

Ik bin al jaorelangk lid van de Thiëtuite, waovan de letste 9 jaor as sikkertaris. Vaerder bin ik haos 3×3 jaor actief binne de aktiviteitekemmissie. Binne dees kemmissie hald ik mich veurnamelik bezig mit ‘t vaslegge van de vastelaovesbands en artieste. Vaerder help ik meneer pestoér mit ‘t veurbereide van de vastelaovesmis.

Op dit moment bin ik auk betrokke beej de veurbereidinge veur ôs 6×11 jäorig jubileumweekend. Vaerder bin ik twié kier adjudant gewaes in Lomm en pap van twié haufdansmerietjes. Al mit al ‘t ganse jaor bezig mit vastelaovend. Heerlik!

2. Waorum vindse ’t belangriék um dich in te zette veur de Vastelaovend?

Ik vind ‘t belangriek det de minse kinne blieve geneete van de vastelaovend in ôs dörp. Ik vind auk belangriek um beej de vereiniging betrokke te blieve. Lomm is ein klein dörpke en ’t is belangriék det inwoéners zich inzette veur ’t vereinigingslaeve. Det vergroët de betrokkeheid en saamhorigheid van idderein. ‘t Mak mich gruuets op ôs dörp en op de vastelaovesvereiniging. Vaerder wil ik meizörge det tradities waere euvergedrage en de volgende generaties. Ik zeen ‘t dan auk as ein oétdaging um de jeug d’r beej te blieve betrekke.

3. Bliefse dich in de toekoms inzette veur de Vastelaovend?

Zeker weite! Ik bin erg gemotiveerd um mich wies in lingte van jaore te blieve inzette veur de vastelaovend in ‘t algemein en in ‘t biezônder veur de Thiëtuite. Heb aevel neet de ambisie um oeïts nog Prins van Lomm te waere. Ik vind ‘t prima um op de achtergrônd mich te blieve inzette veur ôs prachtige vereiniging en fijne gemeinschap. Wao beej ’t same doon en gezelligheid baove-aan steit. Ik verheug mich noow al op de 3 dolle daag van 2022.

OPROOP: Kins dich ‘nne VV-er dae ’t verdeent auk ’n kompliment te kriege, dan laot ’t weite via info@de3kes.nl. In juli verrasse we weer emus in de Gemeinte Venlo mit ‘nne helium-ballon! #Samemakeweejdevastelaovend

Ander niejs

Anja Westheim de stille krach van oktober
Iddere 3e zaoterdaag van de
Stum mei beej de Rabo clubsupport aksie
De Rabo clubsupport aksie is