Skip to content

Niejsberich

Doot mei en win ‘t 3-ke 2017

De 3-kes reik dit jaor veur de dertiende keer ‘t 3-ke oét. Dé priés veur ‘t dreejtal det zich op de meis ludieke meniér in de Bliërickse optoch wet te presentere. Inschriéve veur deilname kin tiédes de inschriéfavonde van de Wortelepin. De priés wuurd uitgereik tiédes de reguliere priésoétreiking van de optoch.

Kreativiteit, originaliteit en aktualiteit speule een groéte rol beej deese optochpriés. Wilse kans make um ‘t 3-ke te winne dan zal se aan dees veurwaerde môtte voldoon. De raeje um deese priés, ‘nne wisseltrofee, toe te voege aan de sterrehemel van priézekategorieje is ‘t stimulere van dreejtalle in de Bliërickse optoch. De 3-kes is bliej det de priés erkind wuurd door de organisator van de Bliërickse optoch. De sjurering is in hand van ein vakkundig komité det is samegesteld door De 3-kes. Nao de optoch zal tiédes de reguliere priésoétreiking in ‘t Raodhoes de priéswinnaer bekind waere gemak. De optoch trek zondaag 26 fibberwarie door de centrumstraote van Bliërick.

Um ‘t 3-ke daadwerkelik te kinne winne môtte vastelaovesvierders zich inschriéve veur de optoch. Dit kin tiédes de offisjele inschriéfaovonde van vastelaovesgezelschap ‘De Wortelepin’. Dees waere gehalde op de dinsdaagaovende 31 jannewarie en 7 fibberwarie van 20.00 tot 22.00 uur kinse terech beej kefee Apollo, Maasbreesestraot in Bliërick.

Ander niejs

11-11 mier dudelikheid euver seizoen 2021
De leeje van De 3-kes
Blief gezond! In deese biezondere tiéd
UPDATE: ‘t Zien biezondere tieje.