Franca Peulen (35), Ein ech Heiers, Tegels maedje, gebaore op 24 september 1985. Dochter van Herm Peulen (zaliger) en Erna Peulen Reijnders, zuske van Teddo Peulen en zus van Brenda Peulen.
Boereraod
Al 19 jaor same met boer Rob Gielen (41). Same hebbe zeej 3 kinger: Vince (7), Raff (5) en Moon (2). In ut dageliks laeve is Franca werkzaam as juffrouw Nederlands op Den Hulster. Sinds 2017 woënachtig in ut Duuvelsriek van de Kaetelaers op Steijl op de Maassjtraot. Franca is, wie ut 9 jaor aad waas, beej de Dansmarietjes van de Boereraod gegaon. En dao is Franca now nog lid van. Nimmer as dansend lid, maar waal inmiddels 10 jaor as trainster van de groëte groep. Verder is Franca lid van de PR-commissie van de Boereraod.
Franca en Rob hebbe zich, wie ken ut auch angers, in 2002 met de Vastelaovend liere kenne in de Haandertboerderiej. Franca toen as dansmerietje en Rob as musicerend lid van de Boerejoekskapel. Uiteraard zien auch de kinger metein beej de gebaorte door de sikkertaris van de Boereraod lid gemak van de vereiniging. Pas daonao is aangifte gedaon beej de Gemeinte. Same zien zeej good veur mier den 62 jaor lidmaatsjap van de Boereraod.
Wie laater Wie zaater
Same make zeej met eur gezin deil óet van vrindeclub Wie Laater Wie Zaater. Ein hechte vrindegroep dae zich euveral in de Tegelse Vastelaovend luut seen. Zeej zien ut ganze jaor door bezig met Vastelaovend. Beej eur haet de jeug ech de toekoms! Zeej zien inmiddels met mier kinger (19) den volwassene (18).
Paplaepel
De kinger kriege de vastelaovend den auch met de paplaepel ingegaeve en hebbe aafgelaupe jaor in de Tegelse optoch zelf met ein eige sjtartnummer meigetrokke. Franca is creatief en wèt met zien liempistool altied de moeijste creaties óet d’n hoëge hood te tovere! Auch ut schmincke geit Franca good aaf waodoor zeej d’r met ut ganze gezin met de Vastelaovend altied gekleurd opsjtaon.
Bekiek heej ’t filmke van de bekindmaking
Bekiek heej (filmke) de speech, proklamasie en ’t motto
