Leefhebbers van Groët-Venlose Vastelaovesmeziék kinne weer geneete van De 3-kes Radio. ’t Joeksstation is tot Aswoensdaag non-stop te beluustere.

Zondaag 8 november hebbe we in ein hoéskamer gehiél coronaproof de aaftrap gehad van De 3-kes radio. Ondanks de biezondere umstandige waas ’t eine sjiéke middaag. We hebbe de nieje liedjes en leedjes van Bliërick en Venlo gedreid, interviews gehad mit dees artieste. En we mochte bekindmake det Just Fire Nederland de kômmende 3 jaor de Top 33 Bliërick & Tegele geit sponsore. Wie sjiék!

De 3-kes radio is te beluustere via www.de3kesradio.nl en via de app (mei meugelik gemak door ôzze sponsor AppComm). De 3-kes radio besteit vanaaf 2009.