Skip to content

Niejsberich

Groët-Venlo bedank!

‘t Waas weer waan! Waat hebbe we genaote van de Vastelaovend 2017. ‘t Begós zondaag 22 jannewarie mit ‘n oétverkochte zitting in de Venlonazaal. Ein fantastisch fees veur jongk en ald en mit ‘n nieje mini-nar: Jens I.

Vriédaag 17 fibberwarie vond ‘t intern veurstelle plaats beej kefee De Baek. Tiédes deese aovend woort bekind det Rob Jacobs de Groët-Venloosche Nar zoel waere. Eine daag later ‘nne prachtige De 3-kes Daag mit vuul zon en vuul vrolikke minse. Heej nao hebbe we super momente belaef. Ein good bezoch Vastelaoves-Kefee in de Stadsbibliotheek beejveurbeeld, det auk inhaldelik good waas.

De dolle daag ware aaf. ‘t Waas gelökkig good waer. De 3-kes haet meigedaon in de Hólt-Bliërickse optoch en in dae van Bliërick. Op zondaags ging d’r eine laupgroep van 47 minse mei. Op maondaag hebbe we ‘nne gooje Stadsdeiletoer gehad, van Belfeld wies Arcen hebbe we gevierd en gelache. Dinsdaag woort de Boerebroelof begós en woort aafgetrap mit ‘nne heerlikke brunch beej kefee de Baek. Um 24.00 oor waas ‘t gedaon en woort aafscheid genaome van ‘nne top Vastelaovend!

Op nao dae van 2018!

Ander niejs

11-11 mier dudelikheid euver seizoen 2021
De leeje van De 3-kes
Blief gezond! In deese biezondere tiéd
UPDATE: ‘t Zien biezondere tieje.