Skip to content

Niejsberich

Funs_site

In december is Funs Jacobs VV-er

Iddere 3e zaoterdaag van de maond zette weej wies aan Vastelaovend 2022 eine echte VastelaovesVreejwilliger in ’t zunke. Wae zien die stille krachte op de achtergrond? De tiénde VV-er is Funs Jacobs van Jocus Toekoms en de Vaegers.

1. Waat duis dich um de vastelaovend laevendig te halde?

De vastelaovend mei organisere veur Jonk en ald, kortum veur idderein.  Vanoét ’t roeije kruuts bin ik betrokke beej ‘t roeije kruuts bal. Heejmei bezörge we minse mit ein beperking oét de ganse regio eine onvergaetelikke vastelaoves middaag.

Beej Jocus Toekôms bin ik as kind besmet mit ’t vastelaovesvirus. Heej heb ik diverse functies meuge beklei-je, Begôs in de Raod van Elf.  Doornao begeleiding van 3-span en vors as chef du protocol. As veurzitter van de Technische Kemmisie bin ik nog altiéd betrokke beej Jocus Toekôms. As kemmisie zörge weej det ’t decor beej de zittinge en resepsie d’r good oét zuuét. Zoédet ’t 3-span en de res van ’t gezelschap kin schittere op de buun. Auk mit de optoch zien weej as TK verantwoordelik det ’t d’r eine moeïe wage door de Venloosche binnestad trek.

Vanoét dees funksie bin ik betrokke beej ’t cluster jeug, waat de meiste jeug aktiviteite binne Jocus organiseert. As spek & boéne lid beej de Waus geneet ik van de ‘ongeorganisserde vastelaovend’. De ludieke momente tiédes ’t laupe nao Velde of mit de jaorvergadering zien fantastisch.

Vaerder zit ik in de Raod van Elf beej de Vaegers. Heej meug ik binne de Joekskemissie mei de invölling van de zittinge en ’t hudjesbal regele. Tot besloét bin ik tiédes de Boétezitting buunmeister op ein van de podia. Is altiéd sjiek um al die vierders te zeen.

2. Waorum vindse ’t belangriék um dich in te zette veur de Vastelaovend?

Veural um ’t fees laevendig te halde en andere minse te zeen geneete. Asse de minse beej ’t Roeije kruutsbal of ‘t 3-span op de wage zuus straole dan is det geweldig. ’t Gaef ein good geveul um heej aan beej te drage.

Netuurlik doon ik ’t auk umdet ik ’t zelf hiel leuk vind. As we aan eine wage werke is d’r auk altiéd vuul schaele wazel, joeks en jen. Is toch fijn um zoé diene vreeje tiéd in te völle.

3. Bliefse dich in de toekoms inzette veur de Vastelaovend?

Zeker! Mit vuul plezeer bin ik lid van dees vereiniginge. Ik blief mich inzette um de vastelaovend laevendig te halde. 

Door de samewerking tösse Jocus Toekôms en Jocus merk ik det ’t werk waat we kinne aaflevere steeds moeïer en professioneler wuurd. Dit biedt ôs nog kanse genôg veur de toekôms. Auk binne de Roeije kruutszitting zien der groëte stappe gezatte. Same mit diverse Serviceklups, de vrinde van Jocus en Jocus zelf trekke we dees zitting nao ein hoéger niveau. Inzet is um dees zitting wies in linge van jaore te organisere.

OPROOP: Kins dich ‘nne VV-er dae ’t verdeent auk ’n kompliment te kriege? Laot ’t weite via info@de3kes.nl. In jannewarie verrasse we weer emus in de Gemeinte Venlo mit ‘nne helium-ballon!

Ander niejs

€ 333,33 veur ein good vastelaovesideej
Mit ’t bedraag van maximaol
In 2023 zien d’r weer 8 top-oétzendinge
Sjiengele Boem, De Wortel en