Skip to content

Niejsberich

thoesnar jakker

Jakker Engels is de iérste thoés Nar

De bekindmaking van de iërste ‘Groët Venloosche Thoés Nar’ vond vriédaagaovond 22 jannewarie plaats. De 47 jeurige Jakker Engels oét Ârce meug zich wies zondaagaovend thoéshoégheid van Groët-Venlo neume.

‘t Waas ein komplete verrassing toen ein aafvaardiging van De 3-kes aan de deur stond. Via een liveverbinding waas de bekindmaking via facebook te volge. Jakker Engels waas door inkele vrinde en bekende genomineerd en waas zelf neet op de huugte. Deese hoégheid is ‘t hiele jaor in gedachte bezig mit vastelaovend. Hae woént in Ârce en waas in 1997 prins van de Thiëtuite oét Lomm. Deese carnavalis is lid van de Keieschiéters oét Ârce en de Thiëtuite. Jakker woént same mit Evelien Fransman en same hebbe zeej veer kinder.

Hae is volges de genomineerde gek van vastelaovend en haet auk ein groët hert veur De 3-kes. Veurzitter Rob Jacobs: “Dök is Jakker aanwezig beej ôzze evenemente en in 2020 is hae vanwaege zien betrokkeheid toegetraoje tot ‘t Comité van Aanbevaeling van De 3-kes. Hae is te ald um echte Groët Venloosche Nar te waerer. ‘t Is fijn dat hae door verschillende persoéne is genomineerd. Ik weit zeker det hae deese thoésregeerperiode op ein geweldige meniér geit invulle.”

Jakker Engels krieg ein dreejdaagsprogramma aangebaoje. Via de kanale van De 3-kes is zien Narreschap te volge. Jakker zelf reageerde vol enthousias: “D’r geit eine druim van mich in vervulling.” Thoés Nar Jakker mak kômmende zondaag zien motto en proklamasie bekind.

Bekiek heej ‘t filmke euver de bekindmaking van de Thoés Nar
Laes heej de proklamasie en bekiek heej ‘t veurdrage van de proklamasie
Bekiek heej de speech van de Thoés Nar

Ander niejs