Skip to content

Niejsberich

Vastelaoves-Kefee 2022

Leefde veur… thema Vastelaoves-Kefee

Nao zeve suksesvolle fysieke edities vindt in 2023 auk weer ’t Vastelaoves-Kefee plaats. Op dinsdaag 14 fibberwarie (Valentijnsdaag) gaon weej mit vastelaovesleefhebbers in gesprek en zinge weej same inkele klassiekers. ‘t Programma start um 20:00 oor. Inlaup vanaaf 19.30 oor beej Kefee STEK in Venlo.

‘t Thema is ‘Leefde veur…

Gaste zien dit jaor Petro Janssen oét Bliërick. Hij haet leefde veur vastelaovesliedjes en is in ziene vreejetiéd babs beej de gemeinte Venlo. De twiëde gas is prins Willem II (Koopmans). In Velde môt de prins vôlges tradisie ongehuwd zien. Wie haet deese ongehuwde Joeks-Spotter de Gekke Maondaag belaef? As derde zit Franca Peulen oét Tegele aan taofel. Verleef op de dolle daag en alles waat d’r umhaer hingk. Het haet ziene Rob tiédes de vastelaovend liére kinne. Franca waas in 2021 ôs thoésnar. En as 4e gas is prinses Sandra I oét Tegele present. Sandra haet leefde veur liedjes en ’t fees en haet zich mit zien ganse hert in zien prinsesschap gestort.

Tössedoor is d’r live meziek van ôzze vaste begeleiders Dave en Marinho. De Groët Venloosche Nar 2023 is auk aanwezig.

De entree is € 6,-, dit is inclusief 1 konsumpsiemunt en 1 mini-suupke tiedes de pauze. Kaertjes risservere kin via sander@de3kes.nl

Kefee STEK is gevestig in Stadsbibliotheek Venlo.

’t Vastelaoves-kefee wuurt opgenaome en donderdaag 16 fibberwarie um 20.00 oor oétgezonde via De 3-kes radio.

Ander niejs

Minse van ’t gooje laeve domineert Top 3
Zaoterdaag 28 jannewarie zonde weej
Joeks-Spotters kômmende waeke op paad
Wat vinden jongeren van carnaval