De inschriévinge beej de Wortelepin zien weer geteld en bekeke. En waat bliek… In ’t jaor 2018 hebbe we maar leefs 7 dreejtalle die mei gaon doon veur ’t 3-ke. De enige echte optochpries veur trio’s. Netuurlik is d’r weer ein jury die alles geit beoordeile. De winnaer wuurt bekind gemak tiédes de reguliere priésoétreiking van de Wortelepin in ’t Raodhoes nao d’n optoch. De optoch trek zondaag 11 fibberwarie vanaaf 13.11 oor door ’t Bliërickse centrum.
| Optochnummer | Vereiniging | Motto |
| 7 | De lionsklup | Weej zette alles op de kop (Pottekieken) |
| 16 | Weej ouk | Weej ouk |
| 18 | Miel, Marion, Ton | Weej zette gans Bliërick de letste hutjes van de Witte op de kop! |
| 32 | Peters, Peters en Thissen | Is d’r in Bliërick genôg wind veur 9 windmeules? |
| 37 | V.G. De Knoevelaers | Weej zette alles op de kop! |
| 71 | Fiene Frauluuj Fanfaar | ’n Nepfanfaar |
| 76 | Bliërickse Raodsvrouwluuj (BRV) | Weej hange d’n biës oët. |
