Helaas môtte auk weej konkludere det ’t Coronavirus & Evenemente Vastelaovend op dit moment lastig same gaon. De zitting op 23 jannewarie 2022 en De 3-kes Daag gaon neet door.

Is d’r dan gaar gen positief niejs te melde? Gelökkig waal. De Top oétzendinge op De 3-kes radio gaon door. Alle leefhebbers van vastelaovesmeziék kriege weer de kans um te stumme op eur lievelingsleedjes.

Doornaeve zien weej achter de scherme bezig mit ein alternatief. Aafgelaupe Vastelaovend hebbe weej 3 Thoés-Narre geproklameerd mit ’n 3 daagsprogramma. Lets jannewarie make weej ôs nieje planne veur Vastelaovend 2022 bekind.

Netuurlik halde weej ôs aan de richliéne vanoét de euverheid en stumme weej ôs planne aaf mit de gemeinte Venlo. Hald ôzze site en sosjaal mediakanale in de gate veur mier informasie.