De 3-kes haet ut initiatief genaome um same mit de dialekband Linke Mik ut Liedje ‘Umdet ut Vastelaovend is’ te make.
Ein spesjaal nummer waomei weej de vastelaovesvierders stimulere um veural waal vastelaovend te viere. Doot det binne de huidige richliéne.
Ein liedje wao ôzze Groët Venloosche Kloon Paul I ein haufrol in speult.
Weej danke idderein veur de meiwerking! Onderstaond auk de teks van ut liedje. Oefene maar! Laot gaon… umdet ut vastelaovend is.
LIEDJE
Meziék & teks door Marinho Peters & Sander Mattheijssen
Arrangement van Dave Ververgaard, Dave Detillon en Marinho Peters
Videoclip opname en montage Maikel Lammen
Zang van Marinho Peters en ingespeuld door de muzikante van Linke Mik
Mondharmonica door Groët Venloosche Kloon Paul I
Achtergrondkoër door leeje van De 3-kes
Umdet ut vastelaovend is
Vers
Mien hert det bäök, traone van verdreet.
Auk dit jaor weer ut zellufde leed.
Gen dolle daag wie we zien gewind.
Terwiel joeks, de joeks ôs juus verbind.
Maar de dolle daag zitte deep.
ut Joeksigvirus helt ôs in de greep.
Hang dus zelf de slingers op.
Al wuurt ut vertrouwde zoé gemis.
Zet dien hudje op de kop,
umdet ut vastelaovend is.
Refr.
Ik zeg Hallo Hallo Vastelaovend.
Ik bin zoe bliej desse d’r bis.
We make d’r ut beste van.
Umdet ut vastelaovend is.
Ik zal t viere noeits verliere.
Dus ik blief houwe op die kis.
Ik zeg Hallo Hallo Vastelaovend.
We blieve wiejer gaon.
Zoédet ‘t blief bestaon.
Dus vier, umdet ut vastelaovend is.
Vers
Roop dich oét tot hoégheid.
Bis dich de prins of de prinses?
Of de kloon dae alles steit,
Nar, lakij of stewardess.
Doot is gek, in optoch door ut hoés.
En as ‘t in de kroeg neet kin,
och jung dan viere we ut thoés.
Hang dus zelf de slingers op.
Al wuurt ut vertrouwde zoé gemis.
Zet dien hudje op de kop,
umdet ut vastelaovend is.
Brök
De wets viere is ein keus.
Dus zet op die roeïe neus.
En wie joeksig auk en kwant.
Gebroék waal dien verstand.
Refr.
Ik zeg Hallo Hallo Vastelaovend.
Ik bin zoe bliej desse d’r bis.
We make d’r ut beste van.
Umdet ut vastelaovend is.
Ik zal t viere noeits verliere.
Ik blief houwe op die kis.
Ik zeg Hallo Hallo Vastelaovend.
We blieve wiejer gaon.
Zoédet ‘t blief bestaon.
Dus vier, umdet ut vastelaovend is.
