Mit ’t bedraag van maximaol 333,33 euro ondersteune weej jaorliks éín good Vastelaovesinitiatief in de gemeinte Venlo. Jaorliks kinne persoéne, vereniginge, clubkes en organisasies zich kandidaat stelle um ’t bedraag toegeweze te kriege.
Bis dich dus de scouting oét Belfeld die nieje mutse nuudig haet veur de jeughoéghede, bisse ein beginnend bouwclubke van de Poerkerplak en hesse geld nuuédig veur ôgge wage of bisse ‘nne waore vastelaovesvierder oét Arce en hesse ’n geweldig ideej veur ein niej evenement? Laot ’t ôs weite en stel dich kandidaat veur de ‘Groët Venlose Vastelaoves Injeksie’.
Veurwaerd zien
- ’t Môt Vastelaovesgerelateerd zien.
- ’t Môt ein initiatief binne de gemeinte Venlo zien.
- De môs kinne aantoéne desse ’t geld d’r auk daadwerkelik veur hes gebroék.
De hes de hiele maond november 2022 de tiéd um dich in te schriéve. Det kin door de de 3 onderstaonde vraoge in te vulle. Aanvullend vraoge weej dich um ein visualisatie (plaetje, teikening of foto) van dien ideej mei te steure. Allein volledig ingevulde inschriéfformuliere waere opgenaome in de seleksie.
Dees ideeje waere van zaoterdaag 11 t/m vriédaag 17 fibberwarie 2023 op de facebookpagina van De 3-kes gezatte. Vervolges wint de inzender dae de meiste likes op zien berich haet. Op Vastelaoveszondaag 19 fibberwarie 2023 wuurt de cheque oétgereik aan de winnaer van de € 333,33.
Meidoon
Vul ’t onderstaonde formulier in en steur metein ein visualisasie (plaetje, aafbeelding of foto) mei van dien ideej. Allein asse ’t gehiel kompleet aanlevers, wuurt ’t verzeuk meigenaome in de seleksie.
De ‘Groët Venlose Vastelaoves Injeksie’ hebbe weej geïntroduceerd op 3 maart 2019, ter gelaegeheid van ôzze 16e verjeurdaag.
Euverzich winnaers
- 2023 ……
- 2022 Kaetelkids (De Kaetelaers Steyl)
- 2021 Door corona 3 cheques van € 111,11 veur individuele vierders
- 2020 Nieje mantels (Jeug Thiëtuite Lomm)
