Skip to content

Niejsberich

Maak kans op € 333,33

Vanaaf dit jaor lancere weej ’t initiatief: ‘Groët Venlose Vastelaoves Injeksie’. Mit ’t bedraag van maximaol 333,33 euro ondersteune weej jaorliks éín good Vastelaovesinitiatief in de gemeinte Venlo. Jaorliks kinne persoéne, vereniginge, clubkes en organisasies zich kandidaat stelle um ’t bedraag toegeweze te kriege.

Bis dich dus de scouting oét Belfeld die nieje mutse nuudig haet veur de jeughoéghede, bisse ein beginnend bouwclubke van de Poerkerplak en hesse geld nuuédig veur ôgge wage of bisse ‘nne waore vastelaovesvierder oét Arce en hesse ’n geweldig ideej veur ein niej evenement? Laot ’t ôs weite en stel dich kandidaat veur de ‘Groët Venlose Vastelaoves Injeksie’.

Veurwaerd zien

  1. ’t Môt Vastelaovesgerelateerd zien.
  2. ’t Môt ein initiatief binne de gemeinte Venlo zien.
  3. De môs kinne aantoéne desse ’t geld d’r auk daadwerkelik veur hes gebroék.

De hes de hiele maond november de tiéd um dich in te schriéve. Det kin door de de 3 onderstaonde vraoge in te vulle. Aanvullend vraoge weej dich um ein visualisatie (plaetje, teikening of foto) van dien ideej mei te steure. Allein volledig ingevulde inschriéfformuliere waere opgenaome in de seleksie. In december kies ’t Comité van Aanbevaeling van De 3-kes oét alle inzendinge 3 kandidate.

Dees 3 ideeje waere van 1 t/m 9 jannewarie 2020 op de facebookpagina van De 3-kes gezatte. Vervolges wint de inzender dae de meiste likes op zien berich haet. Op zondaag 12 jannewarie wuurt tiédes De 3-kes Narre-Zitting de cheque oétgereik aan de winnaer van de € 333,33.

Meidoon

Vul ’t onderstaonde formulier in en steur metein ein visualisasie (plaetje, aafbeelding of foto) mei van dien ideej. Allein asse ’t gehiel kompleet aanlevers, wuurt ’t verzeuk meigenaome in de seleksie.

Anger niejs

Bin d’r beej! Aaftrap De 3-kes radio
Leefhebbers van Groët-Venlose Vastelaovesmeziék kinne
Aanmelde veur d’n optoch 2020
Op zaoterdaag 15 fibberwarie 2020,