Tiédes De 3-kes Narre-Zitting zondaag 7 jannewarie hebbe we ôzze nieje Mini-Nar veurgesteld aan ’t publiek. Ziér objectief en iérlik haet Clowntje Polka weer de taak op zich genaome um oét alle aanwezige kinder ein gooje en entoesiaste mini-nar te kieze. In 2018 is det Owen I. In ’t dageliks laeve is hae zoon van Mark (Prins van de Kwas 2016!) en Nadia Gommans en broor van Mila.
Op de buun goof Owen aan det hae ’n klein bietje zenuwachtig waas, maar ’t kei leuk vindt um alle mini-Groët-Venlonaere veur te meuge gaon. Weej winse um hiel vuul plezeer in zien nieje en biezondere funksie.
