Niej: Groët Venlose Vastelaoves Injeksie

De 3-kes is vandaag, 3 maart, jeurig. En wae jeurig is trakteert. Vanaaf dit jaor lancere weej ’t initiatief: ‘Groët Venlose Vastelaoves Injeksie’. Mit ’t bedraag van maximaol 333,33 euro ondersteune weej jaorliks ein good Vastelaovesinitiatief in de gemeinte Venlo. Jaorliks kinne persoéne, vereniginge, clubkes en organisasies zich kandidaat stelle um ’t bedraag toegeweze te kriege.

Bis dich dus de scouting oét Belfeld die nieje mutse nuudig haet veur de jeughoéghede, bisse ein beginnende bouwclubke van de Poerkerplak en hesse geld nuuédig veur ôgge wage of bisse ‘nne waore vastelaovesvierder oét Arce en hesse ’n geweldig ideej veur ein niej evenement. Laot ’t ôs weite en stel dich kandidaat veur de ‘Groët Venlose Vastelaoves Injeksie’.

Veurwaerd zien:

  1. ’t Môt Vastelaovesgerelateerd zien.
  2. ’t Môt ein initiatief binne de gemeinte Venlo zien.
  3. De môs kinne aantoéne desse ’t geld dao auk daadwerkelik veur hes gebroék.

Wie en hoe ’t precies geit laupe, laote weej nog weite. In november starte we mit de kandidaatstelling.

Laeve de 3, Laeve de Vastelaovend

 

Gen reacties beej "Niej: Groët Venlose Vastelaoves Injeksie"