De gemeinte haet vergunning verliénd, sponsors hebbe moeïe priéze toegezag en d’n drökker haet 999 loéte gedrök. We meuge weer op paad um ôs lötjes aan de man en vrouw te bringe. De opbrings kump hielemaol ten goede aan de Groët-Venlose Vastelaovend.
De loéte koste € 3,- per stök. ‘t Schient det auk dit jaor weer de spesjale aksie… 3 veur ein tientje! aangebaoje wuurt.
Weej winse alle kaupers alves vuul gelök. Dinsdaag 3 maart 2020 make we de oétslaag bekind.
De 3-kes striék embleem
Dit jaor hebbe we gen speldjes. Niej is ’t De 3-kes striék embleem. Dit is te kaup beej de leeje van De 3-kes of te bestelle via bart@de3kes.nl.
