Net zoé as in 2019 is de evergreen ‘Straks is ’t weer Aswoensdaag’ as iërste geëindig beej de Top 33. Twiéde woort de klassieker ‘Stuupke op, stuupke aaf’ en niejkommer ‘Blie des dich d’r bis’ kwaam binne op plek dreej.
Leefhebbers van ‘t Bliërickse vastelaoveslied bepaolde de volgorde van de liés door eur stum oét te bringe. De keuzeliés bestond oét mier dan 250 liedjes. In een live-oétzending, via De 3-kes radio en de facebookpagina, woorte zaoterdaag 23 jannewarie de beste 33 nummers geprissenteerd.
In 1975 zonge Giel Geurts en Tiny Hofman ‘t lied det gegrif steit in ‘t kollectieve geheuge van vastelaovesleefhebbers. ‘Straks is ’t weer Aswoensdag’ geit euver de daag det ‘t masker weer in de kas môt en de dolle daag veurbeej zien. ‘t Lied behaolt veur de 2e kier in de historie van de Top 33 de koppositie.
Stuupke op, Stuupke aaf oét 1993 haet de iërste plek aafgestaon en steit noow op de twiéde plaats. Destiéds gezongen door Leo van Heyster en Michel Jeurissen. As derde is geëindig ‘Blie des dich d’r bis’ ‘t niejste lied van Lonneke van Doorn, Annette Hermans, Ruud Geeraets en Wim Janssen. Dit veertal behaolde auk de viéfde plaats mit ‘Heej is nog plaats veur dich’ oét 2020. Op de veerde plek steit ‘t aldste lied oét de liés. ‘t Is ‘t liéflied van de Wortelepin oét 1947 det geit euver det Bliërick noeït vergeit zoélang de ‘Wortel en de pin’ bestaon.
De komplete Bliërickse liés is heej onder te bekieke. De 3-kes haop det de liedjes de kômmende periode mier gedreid gaon waere. D’r volge nog twië oétzendinge de aanstaonde twië waeke. Op zaoterdaag 30 januari wuurt de Tegelse liés oétgezonde en op zaoterdaag 6 fibberwarie de Top 3×11. Beide oétzendinge starte um 10.00 oor.
TOP 33 BLERICK 2021
- Straks is ut weer aswoensdaag | Giel Geurts en Tiny Hofman (1975)
- Stuupke op, Stuupke aaf | Leo van Heyster en Michel Jeurissen (1993)
- Blie des dich d’r bis | Lonneke van Doorn, Annette Hermans, Ruud Geeraets en Wim Janssen (2021)
- De Wortel en de pin | A. Renkien (1947)
- Heej is nog plaats veur dich | Lonneke van Doorn, Annette Hermans, Ruud Geeraets en Wim Janssen (2020)
- Blariacum Baeregood | Stamtaofel de waerbörstels (1987)
- As ik ens wis | Duncan Nikkelen, Jason Hafmans, Willem Koopmans, Niels Vestjens, Dion Jeucken en Thuur Zumdick (2021)
- Minse van ’t gooje laeve | Lonneke van Doorn, Annette Hermans, Ruud Geeraets en Wim Janssen (2019)
- 2021 | Willy Billekens en Bart Janssen (2021)
- Gelök | De Vrijbuiters (1980)
- Drama op d’n Hacienda | De Vrijbuiters (1980)
- Alles kump good | Onno Vaessen, Bert Buskes, Graat Peeters, Paul Lenders (2007)
- Wengske aan Wengske | De Vrijbuiters (1980)
- De Hudjes | De Vrijbuiters (1980)
- Beej mien moder | Peter Jansen en Wim Janssen (2001)
- Alles andersum | Mark Janssen & Marcel Schuurmans (1991)
- Dan bin ik blie… | Peter Jansen en Wim Janssen (2005)
- Vastelaovend in de zón | Lotte van Bergen en Roy van den Broek (2021)
- Kôm euver de brök | Bernie Billekens en Leon Theuws (2000)
- De gäöte mars | Ben Verdellen (1980)
- Hald van ut laeve | Marius Suiker en Vic Suiker (1998)
- Kom dich ens heej | Bernie Billekens, Willy Billekens, Hans Aerts, Peter Wilders (2009)
- Wortelestamp | Mark & Petro Janssen, Marius & Vic Suiker (2005)
- Truuk van weggewaes | Mieke Stevens en Hans Mans (1981)
- Eine moeie mins | Graat Peeters, Paul Lenders en Onno Vaessen (2019)
- ’t Ind is in zich | Jelske Wilmer (2006)
- Al bin ik neet zo moëj | Bernie Billekens, Willy Billekens, Hans Aerts, Peter Wilders (2007)
- Bliërick | Wil van Gassel (2002)
- Spiët | Roy van den Broek (2009)
- De kins mich toch neet | Ben Verdellen (1969)
- Ik bin de waeg kwiét | Nico Meerts, Kay Jeurissen, Erik & Manillo Heyligers (2013)
- Allein | Jos v.d. Venn (1979)
- Bliërick | Bart Janssen (2008)
De Top 33, wuurt mei meugelik gemak door Just Fire Nederland.