Skip to content

Niejsberich

‘Stuupke op, Stuupke aaf’ nummer 1 in Top 33

In de edisie 2020 is ‘Stuupke op, stuupke aaf’ as iërste geëindig beej de Top 33 Bliërick. ‘T nummer oét 1993 eindigde veurig jaor as twiëde. Door ‘t plotseling overlieje van zenger Michel Jeurissen en de daorop volgende oproop um oét iérbetoén op ‘t nummer te stumme, is ‘t unaniem de nummer ein. ‘t liedje is gemak door Paul Lenders en Ruud Bettinger.

De liés wuurt sinds veurig jaor samegesteld. Leefhebbers van ‘t Bliërickse vastelaoveslied bepaole door eur stum oét te bringe de volgorde. De keuzeliés bestond oét mier dan 250 liedjes. In een live-oétzending, via De 3-kes radio en de facebookpagina, woorte zaoterdaag 1 fibberwarie de beste 33 nummers geprissenteerd.

D’r ware 13 nieje nummers ten opzichte van 2019 in de liés.

De evergreen ‘Straks is ’t weer Aswoensdag’ oét 1975 haet de koppositie afgestaon en steit noow op de derde plek. Twiéde is ‘Minse van ‘t gooje laeve’ van Lonneke van Doorn, Annette Hermans, Ruud Geeraets en Wim Janssen (2019). Dit veertal behaolde auk de veerde plaats mit ‘Heej is nog plaats veur dich’ (2020). Als viéfde staon de hiére Onno Vaessen, Bert Buskes, Graat Peeters, Paul Lenders mit ‘Alles kump good’ uit 2007.

De live oétzending vond plaats op de daag van het Swaree in Bliërick. Zaoterdaag 8 fibberwarie, de daag van ‘t Oeles Prinsebal, wuurt de Tegelse liés oétgezonde. Beide oétzendinge starte um 10.00 oor. De komplete liés prissentere weej onder dit berich. Weej haope det de liedjes de kômmende periode mier gedreid gaon waere. In 2021 volg d’r weer ein nieje liés mit 33 nummers.

Top 33 Bliërick 2020


1. Stuupke op, Stuupke aaf | Leo van Heyster en Michel Jeurissen (1993)
2. Minse van ‘t gooje laeve | Lonneke van Doorn, Annette Hermans, Ruud Geeraets en Wim Janssen (2019)
3. Straks is ut weer aswoensdaag | Giel Geurts en Tiny Hofman (1975)
4. Heej is nog plaats veur dich | Lonneke van Doorn, Annette Hermans, Ruud Geeraets en Wim Janssen (2020)
5. Alles kump good | Onno Vaessen, Bert Buskes, Graat Peeters, Paul Lenders (2007)
6. De Hudjes | De Vrijbuiters (1980)
7. De Wortel en de pin | A. Renkien (1947)
8. Gelök | De Vrijbuiters (1980)
9. Eine moeie mins | Graat Peeters, Paul Lenders en Onno Vaessen (2019)
10. Blariacum Baeregood | Stamtaofel de waerbörstels (1987)
11. Kôm euver de brök | Bernie Billekens en Leon Theuws (2000)
12. Drama op d’n Hacienda | De Vrijbuiters (1980)
13. Weej zette de bleumkes boëte | Michel Jeurissen en Lei van Heyster (1992)
14. Wengske aan Wengske | De Vrijbuiters (1980)
15. Truuk van weggewaes | Mieke Stevens en Hans Mans (1981)
16. Hald van ut laeve | Marius Suiker en Vic Suiker (1998)
17. Mien stum | Michel Jeurissen, Lei van Heijster, Leonard Titulaer (1997)
18. Spiët | Roy van den Broek (2009)
19. Haej haej siës van mich | Hannelore (1977)
20. Zoë wie ik bin | Roy van den Broek en Ingrid Janssen (2015)
21. Begaaije | Mai Anröchte (2004)
22. Alles nao veure | Michel Jeurissen, Sef Korsten en Leo van Heyster (1989)
23. Alles andersum | Mark Janssen & Marcel Schuurmans (1991)
24. Wortelestamp | Mark & Petro Janssen, Marius & Vic Suiker (2005)
25. De slup van mooder Maas | Claar Boots en Wiel Aerts (1984)
26. Veer kleine wäördjes | Mieke Stevens en Hans Mans (1984)
27. Dan bin ik blie… | Peter Jansen en Wim Janssen (2005)
28. Wie wet het det? | Peter Jansen, Wim Janssen (2003)
29. Dao geit-e weer haer | Peter Jansen, Wim Janssen (2008)
30. Ein Bliëricks maedje | Wiel Vestjens (1964)
31. Beej mien moder | Peter Jansen en Wim Janssen (2001)
32. Met dich | Roy van den Broek (2016)
33. Stel neet oët | Hay Crompvoets (1975)

Ander niejs

‘t 3-ke: Bliërickse optoch zondaag 1 maart
Vandaag is bekind gewaore det
Bekiek de optoch & oétroope truuk
Zaoterdaag 16 fibberwarie waas ‘t