Skip to content

Niejsberich

Symposium velt in de smaak

Op woensdag 16 november vond ‘t symposium ‘Vastelaovend ein serieuze zaak plaats’. We kinne truukkiek op ‘n ziér suksesvolle, interessante en gezellige beejeinkoms. De theaterzaal zoot vol en de spraekers hadde gooje verhaole. Mit name de aansloéting van de verhaole op mekaar wiste de bezeukers te waardere.

Nao de äöpening door Vera Tax kwaam Marcus Leifeld aan ‘t woord. Hae ging in raptempo door de geschiedenis van ‘t Kölsche karneval en goof auk aan waat veur economische impact det ‘t haet. Doornao kwaam Ger Koopmans mit de meideiling det de euverheid zich juus neet mót bemeuje mit de Vastelaovend en det ‘t fees juus good is veur talentontwikkeling. As derde kwaam Karel Noordzij. Hae vertelde waat hae as topman in ‘t bedriéfslaeve haet gehad aan zien jaor as prins carnaval van Den Bosch.

Taeves woorte Arvid Bux en Loe Spee gehöldig door de gedeputeerde mit de Limburgse Vastelaovespriés 3-werf Alaaf. Dit veur ‘t oprichte en oétbouwe van ‘t platform vastelaovendinlimburg.nl. Zeej woort onderscheide mit ein biezondere gólde speld.

Tiédes de netwerkborrel woort volop naogepraot euver ‘t zaalprogramma. ‘t Waas ein onderhaldende middaag!

Vandaag ein moei artikel in daagblaad de Limburger (klik heej).

Ander niejs

11-11 mier dudelikheid euver seizoen 2021
De leeje van De 3-kes
Blief gezond! In deese biezondere tiéd
UPDATE: ‘t Zien biezondere tieje.