De 3-kes lanceert ein niej initiatief mit meiwerking van De Wortelepin en de Samewerkende Tegelse Vastelaovesgezelsjappe. Vanaaf dit seizoen hebbe dees twië stadsdeile eure eige Top 33. 

‘t Idee um ein topliés same te stelle is neet niej. D’r zien legio van dit soort liéste mit beste liedjes. Leefhebbers van de Bliërickse en Tegelse schalgers, ballads en walse kinne online eur stem oétbringe op eur 9 favoriete liedjes. Moch diene favo ontbraeke dan gaef dae gewoén efkes door (titel, zengers en jaortal).

Door De 3-kes radio is dudelijk gewaore det d’r prachtige nummers zien gemak in ‘t verleeje. Liedjes die enigszins in de vergaetelheid zien gerak. Door met dees spesjale Top 33 liéste te kômme gaon we op zeuk nao de parels van Bliërick en Tegele.

De live oétzending van de Bliërickse Top 33 vindt plaats op zaoterdaag 9 fibberwarie vanaaf 9.00 oor ’s morges. Op deese daag vindt ‘t Swaree plaats. Ein waek later wuurt de Tegelse liés live oétgezonde, zaoterdaag 16 fibberwarie, vanaaf 9.00 oor.

Stumme op de Bliërickse Top 33 neet mier meugelik (Luuster zaoterdag 9 fibberwarie live)

Stumme op de Tegelse Top 33 is neet mier meugelik  (Luuster zaoterdag 16 fibberwarie live)

download de spesjale ‘De 3-kes’ app in de store en luuster non-stop nao Vastelaovesmeziék