Veur de 4e kier organiseert De 3-kes in samewerking mit de Stadsbieb Venlo ’t Vastelaoves-Kefee. Auk deese kier wuurt d’r euver ein onderwerp gepraot. L1-journalis Lody Trepels is weer de prissentator en interviewer. D’r zien ein 4-tal deskundige die praote euver ’t onderwerp liedjes en leedjes.

Dit zien Quinn Warmerdam (komponis, teksschriéver en zenger van W-Dreej), Martin van Boekholdt (arrangeur en lid van joekskapel de Mootwörm), Dave Ververgaard (muzikant en initiatiefnemer liedjesmatinee nieje stiél Tegele) en Marc Houwen (veurzitter de Wien en schriéver, komponis en zenger). Netuurlik waere de gesprekke waer aafgewisseld mit meziék. De leedjes waere gebrach door Marinho (zang) en Dave (piano).

De entreepriés is 5- euro. Heej kriege minse waal 2 consumpties en ein köpke tomatesoep veur truuk. Bin d’r beej en bestel dien kaertje via sander@de3kes.nl. De aovend vindt plaats in ’t sfeervolle laeskefee!