Skip to content

Niejsberich

Vastelaoves-kefee 2019 haet as thema ‘De kroeg’

Nao vijf suksesvolle edities vindt in 2019 auk weer ein Vastelaoves-kefee plaats. Op dinsdaag 26 fibberwarie organiseert De 3-kes beej kefee Stek deese biezondere aovond. ‘t Programma start um 20:00 oor en ‘t thema is ‘De kroeg’.

De aovond wuurt geleid door journalist Lody Trepels. Hae geit in gesprek mit de veurmalige kasteleins Lenie Hofmans, waas eigenaresse van kefee de Baek in Venlo en Urbaan Verberkt. Hae waas oétbater van kefee de Witte in Bliërick en prins in 1980 van de Wortelepin. As derde schuuf aad-prins en beschermhiér van d’n Oeles Jo van der Velden aan. Dees dreej gaste praote euver verleeje, hede en de toekoms van de kroeg in relasie tot vastelaovend. Meziék is d’r weer van Dave Ververgaard en Marinho Peters. De Groët Venloosche Nar 2019 helt deese aovond zien ‘narrelezing’.

‘t Vastelaoves-kefee wuurt live oétgezonde via www.de3kesradio.nl. De entree is € 5,-, dit is inclusief koffie of thee beej binnekoms, ein konsumpsiemunt en ‘n köpke tomatesoep tiedes de pauze. Rissserveer ein kaertje via sander@de3kes.nl. Kefee Stek is gevestig in Stadsbibliotheek Venlo.

Ander niejs

11-11 mier dudelikheid euver seizoen 2021
De leeje van De 3-kes
Blief gezond! In deese biezondere tiéd
UPDATE: ‘t Zien biezondere tieje.