Skip to content

Niejsberich

Schermafbeelding 2021-03-21 om 14.13.07

Ton van Lieshout in ‘t zunke

Ein niej initiatief van De 3-kes. Iddere 3e zaoterdaag van de maond zette weej wies aan Vastelaovend 2022 eine echte VastelaovesVreejwilliger in ’t zunke. Wae zien die stille krachte op de achtergrond? De iërste VV-er is Ton van Lieshout van voetbalvereiniging SV Blerick.

1. Waat duis dich um de vastelaovend laevendig te halde?
Laot ik beginne mit te zegge det ik erg verras bin en det in de belangstelling staon neet zoé mien dingk is. Ik bin vanaaf 1988 betrokke beej de vastelaovesviering van SVB. In totaal heb ik 33 jeugtrio’s meuge kieze en begeleide. Eigelik zoel dit jaor ‘t 34ste 3-span zien oétgeroope. ’t Is erg leuk um te zeen det 3 leeje van De 3-kes oéits prins of adjudant beej de voetbalclub zien gewaes.
 
2. Waorum vindse ’t belangriék um dich in te zette veur de Vastelaovend?
Ik bin d’r zelf destiéds ’n bietje ingerold. Ik waas al aktief beej de voetbalclub. We woele gaer ‘nne eige jeugvastelaovend organisere mit ’n trio, jeugbal, resepsie, bezeuke aaflegge en deilname aan d’n groëte optoch. Mit ’n paar man hebbe we destiéds de spraekwoordelikke bal opgepak. ’t Is erg moeï um te zeen wie idder jaor weer andere kinder en femilies beej SVB vastelaovend viere. ’t Is mier dan allein danse en springe. Kinder doon auk podiumervaring op en elders gaon same aan de slaag um mei vastelaovend te organisere. ’t Bringk dus auk hiel vuul plezeer en de lach van de kinder is ’t moeïste kompliment desse kins kriege. Dan vergaetse desse auk vuul tiéd stops in beejveurbeeld ’t rondbringe van ’t vastelaovesbukske, de sportkantine versiere en vergaderinge.
Kiek ens nao De 3-kes! De oprichters ware allemaol lid van de aktiviteitekemissie van SVB. Van ’t ein kump ’t ander en det is belangriék.
 
3. Bliefse dich in de toekoms inzette veur de Vastelaovend?
Ik heb ‘t 33ste jubileumtrio same mit Frans Jonkers oétgekaoze en begeleid. Nao 3×11 jaor had ik bedach um ’t iets röstiger aan te gaon doon. Ein dingk is zeker in 2022 kump d’r weer ‘nne prins en adjudante beej SVB en wao kin draag ik mien steinke weer beej. We môtte toch same zörge det de vastelaovend van generasie op generasie wuurt doorgegaeve.
 

OPROOP: Kins dich ‘nne VV-er dae ’t verdeent auk ’n kompliment te kriege, dan laot ’t weite via info@de3kes.nl. In april verrasse we weer emus in de Gemeinte Venlo mit ‘nne helium-ballon!

 

Ander niejs

Marja & Ton VV-ers van de maond mei
Iddere 3e zaoterdaag van de
Sander Mattheijssen keuninklik onderscheide
Mit gepaste trots felicitere weej