Zondaag 3 maart; 16 jaor jongk

Vastelaovesmaondaag 03-03-03 woort De 3-kes offisjeel opgerich. ‘nne Unieke oprichtingsdatum. Idder jaor op 3 maart viere de leeje van ’t gezelschap de verjeurdaag. Kômmende 3 maart velt same mit ‘Vastelaoveszondaag’. Wie sjiek um op dae daag 16 jaor jongk te waere.

Um ’t good te viere doon weej mei in de Groëte-Bliërickse optoch. Op 3 maart 2003 hebbe weej beej kefee de Witte in Bliërick gebrunch en vond de offisjele oprichtingsvergadering plaats. Doornao hebbe weej meigetrokke in de Venlose optoch. Weej vergaderde destiéds beej de Witte en hebbe minnig pilske beej Urbaan gedronke.

16 jaor later trekke weej dus mei in d’n optoch in dit stadsdeil en pakke weej oét mit leeje, partners en kinder. De Groët-Venloosche Nar Dylan I is d’r beej en netuurlik hebbe we ’t Groët-Venloos Vastelaoveshudje en vuul snoep beej ôs.

Doornaeve make weej op 3 maart ein nieje initiatief bekind… We hebbe nummer 30 in d’n optoch.

Gen reacties beej "Zondaag 3 maart; 16 jaor jongk"