Top 33 – Bliërick 2021

Door De 3-kes radio is dudelijk gewaore det d’r prachtige nummers zien gemak in ‘t verleeje. Liedjes die enigszins in de vergaetelheid zien gerak. Met de Top 33 gaon we op zeuk nao de parels van Groët-Bliërick.

Leefhebbers van de Bliërickse schalgers, ballads en walse kinne online eur stem oétbringe op eur 9 favoriete liedjes. Moch diene favo ontbraeke dan gaef dae gewoén efkes door (titel, zengers en jaortal). De nummer 1 van 2020 is in 2021 oétgeslaote um nummer 1 te waere.

De live oétzending van de Bliërickse Top 33 vindt plaats op zaoterdaag 23 jannewarie vanaaf 10.03 oor ’s morges. Op deese daag zoel eigelik ‘t Swaree plaatsvinden.

Stumme op de Bliërickse Top 33 kin van zaoterdaag 9-1-21 t/m zaoterdaag 16-1-21.

Download de spesjale De 3-kes app in de store en luuster non-stop nao Vastelaovesmeziék

Bekiek heej:
Top 33 van 2020
Top 33 van 2019

De Top 33, wuurt mei meugelik gemak door Just Fire Nederland.

Vastelaoves-Kefee 2022

Nao acht suksesvolle edities vindt in 2022 auk ein Vastelaoves-kefee plaats. Op dinsdaag 22 fibberwarie gaon weej weer mit vastelaovesleefhebbers in gesprek. ‘t Programma start um 20:00 oor en ‘t thema wuurt t.z.t. nog bekindgemak.

We gaon in kefee STEK weer lekker mit ein aantal gaste ‘t gesprek aan. Tössedoor is d’r lekkere live meziek. De Groët Venloosche Nar 2022 helt deese aovond zien ‘narrelezing’.

’t Vastelaoves-kefee wuurt live oétgezonde via De 3-kes radio. De entree is € 5,-, dit is inclusief koffie of thee beej binnekoms, ein konsumpsiemunt en ’n köpke tomatesoep tiedes de pauze. Rissserveer ein kaertje via sander@de3kes.nl. Kefee Stek is gevestig in Stadsbibliotheek Venlo.