Top 11 – Belfeld 2023

Mit de Top 11 van de Belhamels gaon we op zeuk nao de parels van dees prachtige vereiniging.

Leefhebbers van Belfeldse schalgers, ballads en walse kinne online eur stem oétbringe op eur 9 favoriete liedjes. Moch diene favo ontbraeke dan gaef dae gewoén efkes door (titel, zengers en jaortal).

De oétzending is zondaag 22 jannewarie, vanaaf 13.15 oor, veuraafgaond aan ’t oétroope van de nieje prins.

Stumme op de Top 11 van Belfeld kin van zondaag 01-1-23 t/m vriédaag 06-1-23. De nummer 1 van 2022 is oétgeslaote um nummer 1 te waere.

Download de spesjale De 3-kes app in de store en luuster non-stop nao Vastelaovesmeziék.

Bekiek heej:
Top 11 van 2022

De Top 11 wuurt mei meugelik gemak door Just Fire Nederland.

De 3-kes Daag 2024

Eine kier per jaor prissentere weej ózze nieje hoégheid. Op zaoterdaag 3 fibberwarie steit De 3-kes Daag op ’t program. We beginne ’s morges en eindige s’aoves. We verzamele rond 11.00 oor beej kefee de Baek. Heej kómme hiel waat vastelaovesvereiniginge en joekskapelle beej elkaar. Umstreeks 11.33 oor wuurt in optoch nao ’t Stadhoés getrokke. Op de mert wuurt de Groët-Venloosche Nar 2024 oétgeroope rond 12.33 oor.

Meidoon aan d’n optoch?
Vereiniginge, joekskapelle en club-Kes die mei wille doon aan d’n optoch kinne zich aanmelde beej Rob Jacobs via robjacobs@de3kes.nl. Optochdeilnemers deene zich te halde aan ’t optochreglement (klik heej).

Bekiek heej de oétzending van 2023

Felisitasie-Borrel

Heejnao vindt ‘Vastelaovend op de Maas’ plaats. Mit de Maashopper waere verschillende stadsdeile aangedaon. Euveral kinne minse aan boort kómme um kinnes te make mit de nieje hoégheid.

Bin d’r beej! gratis

Vastelaovend op de Maas, vaarschema

Plaats: Tiëdstip:
Venlo, Maaskade 12.45 – 14.45
Blïerick, Passante have 15:00 – 15:15
Belvend, Mergelstraatje 16.00 – 16.30
Tegele, ’t Schip 16.50 – 17.20
Venlo, Maaskade 18.00 – 18.20
Blïerick, Passante have

Tegele

Belfeld

 18.30 – 18:40

18.50

19.15

Nao deese middaag vol joeks gaon we bikke mit de Nar en ’s aoves waere d’r nog ’n aantal bezeuke aafgelag in Groët-Venlo.

Club 3

Op zaoterdaagaovend beej kefee de Lange op de Parade. De entree is gratis. Vanaaf 21.00 oor staon d’r 5 te gekke DJ’s te dreije spesjaal veur dich. Bezeuk deese clubaovend en gank ens efkes kneiterhard oét dien vastelaovesplaat.

De 3-kes Narre-Zitting 2024

Op zondag 7 jannewarie 2024 vindt De 3-kes Narre-Zitting plaats, ‘nne doldwaze vastelaovesmiddaag. Tösse 11.00 en 12.00 oor is de inlaup. Um 12.00 oor start ’t programma.

’t Programma en ’t thema van de middaag zien strik geheim maar ’t oétroope van eine nieje Mini-Nar meug natuurlijk neet ontbraeke.

Naeve ’t programma waere d’r auk weer hepkes geserveerd in de hoéskamer van De 3-kes.

Weej zien oétverkoch! Kaertjes zien veur € 10,- per stök te bestelle via zitting@de3kes.nl. Kinder die ‘nne stool gebroéke waere geach auk ein kaertje te kaupe.

Felisitasie-Borrel & Kinderoptoch

Good niejs veur alle vastelaovesvierders die de Felisitasie-Borrel van de Groët Venloosche heerser misse. De Felisitasie-Borrel 2022 geit door en wie! Deese kier neet op Mooder Maas maar beej én mit ôs vrinde van d’n Bookend. Al ’t gooje kump in 3-je en daorum trekke weej gezamelik op mit ôs Verdeenstelik Lid kefee/feeszaal Boostenhof en ôs vrinde van de Worteleschrabbers.

Al jaorelang zien de ‘Schrabbers’ vaste te gas op de Maashopper. Zeej kômme as iërste, gaon as letste en zörge altiéd veur de juuste sfeer aan boord. Vandaor det d’r maar ein opsie waas noow de Maashopper neet kin oétvoere. We legge aan in d’n Bookend. En veur we gaon borrele mit de Groët Venloosche Kloon Paul I is d’r ‘nne echte Groët Venloosche Kinder Optoch! De Kloon neemp ’t defilé aaf beej alle (groëte) kinder. Same trekke weej vervôlges door ’t Kerkdörp. Verzamele tösse 13.45 en 14.00 oor en start optoch um 14.00 oor. Veur de leuks verkleide kinder zien d’r nog inkele leuke priés-Kes te winne.

Opgaeve is neet nuúdig. Kom maar gewoén nao d’n Bookend en maak mit ôs plezeer. Um de stumming nog mier te verhoége hebbe we inkele artieste, wao onder de Toddezek, Minse van ’t Gooje Laeve, ‘nne Vrijbuiter, DJ’s William en Eric en Dao Kump Sjakie haer. Laote we d’r same ‘nne onvergaetelikke Vastelaoveszondaag van make. De entree is hielemaol gratis!

Vastelaovend, miene hertendeef

Aanstaonde zondaag, de iërste échte vastelaovesdaag, make we ein extra live radio-oétzending. Speciaal veur óg en umdet ’t Valentijnsdaag is. Luuster vanaaf 11.03 oor mei! Same mit Disco Limburg make we d’r ein tof feesje van.

Wils dich diene Valentijn verrasse?

Eine echte joeks-helium-ballon laote bezörge? Of ein joeksig-leefdesleedje aanvraoge? Luuster en Kiek dan mei zondaag!

Club 3

Wilse efkes kneiterhard oét dien Vastelaovesplaat gaon? Kom dan nao ‘Club 3′. Ein niej initiatief van De 3-kes in samewerking mit kefee de Lange op de Parade in Venlo. Vanaaf 21.00 oor dreije bekinde Vastelaoves DJ’s oét ’t Groët Venloosche oétgaonslaeve eure beste set van de waek. Kumps dich danse beej in Club 3?

De DJ’s
Serpentinus Willum, Jenn DJ Sid, MaraPonnie, Joeks DJ ChocoToff & Dylan en Non Des Jus. ‘Club 3’ is ein vervolg op ‘Thoés Dreije Weej Door’ de online clubaovonde die tiedes ’t coronaseizoen 2021 door De 3-kes zien georganiseerd.

 

 

Thoés dreije weej door (Joeks DJ ChocoToff)

Wilse efkes kneiterhard oét dien Vastelaovesplaat gaon? Luuster en kiek zaoterdaag nao ‘Thoés dreije weej door’. Tösse 21.00 en 22.00 oor dreit ‘nne bekinde Vastelaoves DJ ziene beste set van de waek. Drei door mit De 3-kes radio…

De bekinde Joeks DJ ChocoToff oét ’t Groët Venloosche oétgaonslaeve mak eine sjiéke vastelaovesmix van 2x 33 minute dae se neet wils misse!

Netuurlik kinse auk ein verzeukplaetje aanvraoge. De live show wuurt interactief, hielemaol te gek en netuurlik coronaproof.

Thoés dreije weej door (duo Non Des Jus)

Wilse efkes kneiterhard oét dien Vastelaovesplaat gaon? Luuster en kiek zaoterdaag nao ‘Thoés dreije weej door’. Tösse 21.00 en 22.00 oor dreit ‘nne bekinde Vastelaoves DJ ziene beste set van de waek. Drei door mit De 3-kes radio…

’t Bekinde DJ-duo Non Des Jus oét ’t Groët Venloosche oétgaonslaeve mak eine sjiéke vastelaovesmix van 2x 33 minute dae se neet wils misse!

Netuurlik kinse auk ein verzeukplaetje aanvraoge. De live show wuurt interactief, hielemaol te gek en netuurlik coronaproof.

De keus van… Marinho

Ein niej radioprogramma det 3 waeke lang op dinsdaagaovend is te beluustere en te bekieke. Eine prissentator geit in gesprek mit ‘nne gas euver de Vastelaovend en zien lievelingsfragmente.

Dees oétzending is de frontman van Linke Mik, Marinho Peters te gas. Hae dreit zien lievelingsnummers, mak meziék en vertelt euver ziene vastelaovend.

We blikke mit ald-nar Joep Holla truuk op zien regeerperiode. Door de aovendklok is ’t programma van te veure opgenaome en kinne we ThoésNar Franca neet um eine truukblik vraoge.