As opvolger van Club 3 kômme we mit ein nieje aktiviteit op de zaoterdaagaovend nao ’t oétroope. Genne clubaovend, maar gewoén ein kei-leuk vastelaovesfeesje veur jôngk en ald onder de naam: ‘Waat ein plaetje’.
Zaoterdaag 22 fibberwarie beginne we um 21.30 oor, in ’t verlingde van de Jocus Joetsaovend. De kersverse Groët Venloosche Nar 2025 is d’r netuurlik auk beej. De lokasie is de splinternieje kroeg Baja Beachbar op de Parade.
Weej zeuke plaetjesdreijers
We biede deese aovend ein podium aan DJ-talent, jongk en ald. Welke plaetjesdreijer krieg de kroeg ’t beste aan ‘nt danse? Zits dich thoés waal ens lekker DJ te speule? Pak dan noow dien kans. We biede 3 plaetjesdreijers de meugelikheid ‘nne set van ’n half oor te dreije. Inmiddels zien 2 plaatse vergaeve en zeuke we d’r nog eine.
’t Programma is globaal
21.30 oor Äöpening Nar 2025
21.45 oor 1ste plaetjesdreijer
22.30 oor 2e plaetjesdreijer
23.15 oor 3e plaetjesdreijer
00.15 oor Priésoétreiking & winnende DJ-set
De kins dich zelf of ‘nne kammeraod opgaeve as plaetjesdreijer via info@de3kes.nl of spraek ein van de leeje van De 3-kes aan. Veur de winnaer is d’r naeve iéuwige roem auk nog eine hiele toffe priés. We biede namelik de kans um op ein groëter vastelaovespodium dien plaetjes te meuge dreije.
Ao jao… De sjurering probere we netuurlik zoe objectief meugelik te doon. De aanwezige in de kroeg meuge auk mei stumme😉.
Leuk um te vermelde is det de Joeks-Spotters 2024 hebbe meigedach euver dees aktiviteit.