Ein niej initiatief op zaoterdaag 1 maart: ‘Boétegewoeëne De 3-kes wandeltoch‘. ‘nne Joeksige toertoch van 11,33 kilomaeter. De duis 3 stadsdeile aan en de bekieks 5 vastelaoveskunswerke van kollega vereiniginge.
Start en finish van de wandeltoch zien beej de Keulse poort. De kins tösse 9.00 en 11.30 oor starte beej ôzze glaze studio. De kriegs dan van ôs ein wandelkaart oétgereik. Belangriek is desse uuterlik um 14.30 oor truuk bis beej ôzze studio. Deilname is gratis en we vraoge idderein selfies te make beej de 5 kunswerke. Asse aan alle veurwaerd volduis, dan kriegse ein klein presentje.
Begins dich de dolle daag mit ‘nne joeksige toer van 11.33 kilomaeter? Wandel de dolle daag tegemoot en doot mei mit dit nieje initiatief. Onderwaeg meugse altiéd ‘nne joeksige pitstop make beej de horeca die se taege kumps onder ’t wandele. De wandeltoch vindt plaats tiédes de live oétzending ‘Boétegewoeëne De 3-kes Radio‘ beej de Keulse poort tösse 09.00 – 14.30 oor.
Bekiek heej de oetgeschreve route. Dit initiatief wuurt ondersteund door Stadscomité BBZ Venlo.
PS: De wandeltoch meugse verkleid laupe, maar det heuf netuurlik neet. De kins auk gewoén in normale kleier laupe.
