Netuurlik is d’r tiédes De 3-kes Narre-Zitting ein nieje Mini-Nar oétgeroope. De aanwezige zooge in eine bomvolle Hermeniezaal zondaag 11 jannewarie Isa Gruiters geproklameerd waere tot 10e Mini-Nar van De 3-kes.
Halverwaege de zitting woort aafscheid genaome van de Mini-Nar 2025; Babette Ewals. Het droog ‘t stökske euver aan ziene opvolger Isa Gruiters oét Tegele.
Isa: “Ik vind ’t super leuk um Mini-Nar van De 3-kes te zien. ’t Waas ‘nne kei leuke middaag in de Hermeniezaal. Ik heb hiel vuul zin in alle andere dinger die ik nog meug meimake.” De Mini-Nar is auk aanwezig tiédes De 3-kes Daag op zaoterdaag 7 fibberwarie 2026.
Weej winse Isa vuul plezeer in zien funksie as jeughoégheid.
Euverzich Mini-Narre
Mini-Nar Babette I (Ewals) 2025
Mini-Nar Janne I (Mattheijssen) 2024
Mini-Nar Mila I (Loosveld) 2023
Ivm corona in 2021 en 2022 gen Mini-Nar
Mini-Nar Jarno I (van Veggel) 2020
Mini-Nar Marissa I (Geertsma) 2019
Mini-Nar Owen I (Gommans) 2018
Mini-Nar Jens I (Klerken) 2017
Mini-Nar Florijn I (Verweij) 2016
Mini-Nar Sam I (Horvers) 2015