Eine kier per jaor prissentere weej ózze nieje hoégheid. Op zaoterdaag 22 fibberwarie steit De 3-kes Daag op ’t program. We beginne ’s morges en eindige s’aoves. We verzamele rond 11.00 oor mit alle vastelaovesvereiniginge en joekskapelle beej kefee Take Five op de Parade. Umstreeks 12.00 oor wuurt in optoch nao ’t Stadhoés getrokke. Op de mert wuurt de Groët-Venloosche Nar 2025 oétgeroope rond 12.45 oor. De persoén dae de Nar bekind mak make weej tzt bekind.
Meidoon aan ‘De 3-kes Parade’?
Vereiniginge, joekskapelle en club-Kes die mei wille doon aan ‘De 3-kes Parade’ kinne zich aanmelde beej Rob Jacobs via robjacobs@de3kes.nl. Laes heej ’t reglement veur De 3-kes Parade.
Bekiek heej de oétzending van 2024 deil 1 (Parade) en deil 2 (Stadhoes).
Felisitasie-Borrel
Heejnao vindt ‘Vastelaovend op de Maas’ plaats. Mit de Maashopper waere verschillende stadsdeile aangedaon. Euveral kinne minse aan boort kômme um kinnes te make mit de nieje hoégheid.
Bin d’r beej! gratis
Vastelaovend op de Maas, vaarschema
| Plaats: | Tiëdstip: |
| Venlo, Maaskade | 13.00 – 14.45 |
| Blïerick, Passante have | 15:00 – 15:15 |
| Belvend, Mergelstraatje | 16.00 – 16.30 |
| Tegele, ’t Schip | 16.50 – 17.20 |
| Venlo, Maaskade | 18.00 – 18.20 |
| Blïerick, Passante have Tegele Belfeld | 18.30 – 18:40 18.50 19.15 |
Nao deese middaag vol joeks gaon we bikke mit de Nar en ’s aoves waere d’r nog ’n aantal bezeuke aafgelag in Groët-Venlo.
Club 3
Op zaoterdaagaovend beej kefee de Lange op de Parade. De entree is gratis. Vanaaf 21.00 oor staon d’r te gekke DJ’s te dreije spesjaal veur dich. Bezeuk deese clubaovend en gank ens efkes kneiterhard oét dien vastelaovesplaat. Laes heej mier euver Club 3 #2025.
Ein visualisatie van ‘De 3-kes Parade’
