Door De 3-kes radio is dudelijk gewaore det d’r prachtige nummers zien gemak in ‘t verleeje. Liedjes die enigszins in de vergaetelheid zien gerak. Met de Top 33 gaon we op zeuk nao de parels van Tegele, Steyl en de Hei.
Leefhebbers van Tegelse schalgers, ballads en walse kinne online eur stem oétbringe op eur 9 favoriete liedjes. Moch diene favo ontbraeke dan gaef dae gewoén efkes door (titel, zengers en jaortal). De nummer 1 van 2024 “Sjteyler Jông!” is in 2025 oétgeslaote um nummer 1 te waere.
Stumme kin vanaaf zondaag 26 jannewarie t/m zondaag 2 fibberwarie 2025 via ôzze site.
De Top 33 Tegele wuurt zaoterdaag 15 fibberwarie 2025 live oétgezonde, vanaaf 11.00 oor. Veuraafgaond aan ’t oétroope van de nieje Oeles-prins. De prissentatore zien Bram Schouwenberg en Dennis Detillon.
Luuster en Kiék via deze site, De 3-kes App, Youtube en Facebook!