Stichting Laeve de 3! is opgerich op 3 augustus 2015. ’t Doel is um De 3-kes te ondersteune wao nuuédig. De belangriekste taak tot noow toe is ’t organisere van ’t BCL-treffen 2016 gewaes. Ein groëts opgezatte projek veur de Limburgse Vastelaovend mit ein aantal verschillende aktiviteite.
Doornaeve haet de stichting de Vastelaovespriés 3-werf Alaaf in ’t laeve geroope. Ein waarderingsonderscheiding die wuurt oétgereik aan biezondere Limburgse Vastelaoves Vreejwilliger(s). De golde speld is tot dusver eine kier oétgereik. Gedeputeerde van cultuur Ger Koopmans haet op woensdaag 16 november 2016 de priés oétgereik aan Arvid Bux en Loe Spee, de initiatiefnemers en kertrekkers van de site Vastelaovend in Limburg.nl.
Wannier de volgende onderscheiding wuurt oétgereik bepaolt ’t bestuur van stichting Laeve de 3!
Vaerder organiseert Laeve de 3! rondum de langste daag (de vriédaag rondum 21 juni) ’t Zomer-Aovend-Toépe.
Veur de stichting haet 3-voudig LVK-winnaer W-dreej in 2016 ’t nummer ‘Laeve de 3! oétgebrach. Bekiek heej de clip.