Door De 3-kes radio is dudelijk gewaore det d’r prachtige nummers zien gemak in ‘t verleeje. Liedjes die enigszins in de vergaetelheid zien gerak. Met de Top 33 gaon we op zeuk nao de parels van Tegele, Steyl en de Hei.

Leefhebbers van Tegelse schalgers, ballads en walse kinne online eur stem oétbringe op eur 9 favoriete liedjes. Moch diene favo ontbraeke dan gaef dae gewoén efkes door (titel, zengers en jaortal). De nummer 1 van 2021 (Ich bön in Tegele gebaore) is in 2022 oétgeslaote um nummer 1 te waere.

De live oétzending van de Tegelse liés wuurt zaoterdaag 12 fibberwarie live oétgezonde, vanaaf 10.00 oor. Deese daag zoel eigelik de Oeles prinsebal plaatsvinde.

Stumme op de Tegelse Top 33 kin van woensdaag 19-1-22 t/m woensdaag 26-1-22.

Download de spesjale De 3-kes app in de store en luuster non-stop nao Vastelaovesmeziék

Bekiek heej:
Top 33 van 2021
Top 33 van 2020
Top 33 van 2019

De Top 33, wuurt mei meugelik gemak door Just Fire Nederland.