9e Mini-Nar De 3-kes: Babette Ewals

Netuurlik is d’r tiédes De 3-kes Narre-Zitting ein nieje Mini-Nar oétgeroope. De aanwezige zooge in eine bomvolle Hermeniezaal zondaag 26 jannewarie Babette Ewals geproklameerd waere tot 9e Mini-Nar van De 3-kes. D’r waas ein splinternieje Narrekap gemak veur dees gelaegeheid.

Halverwaege de zitting woort aafscheid genaome van de Mini-Nar 2024; Janne Mattheijssen. Het droog ‘t stökske euver aan ziene opvolger Babette Ewals oét Tegele. Het zit in groep 5 van basisschoél Maasveld en wuurt 4 fibberwarie 9 jaor.

Babette zien favoriete vak op schoël is gym. Doornaeve duit ’t auk gaer laeze. Alle beuk van Harry Potter vindt ’t hiel interessant. Eigelik is ’t gewoën ‘nne Harry-Potter-Fan. As lievelingsaete makse um bliej mit sushi en zien lievelingskleur is paars.

Waekeliks is Babette op ’t hockeyveld te vinde. Doornaeve duit ’t auk nog aan ballet. Ein sportieve mini-nar dus. Maar knutsele, teikene en mit de lego speule duit ’t auk gaer. Netuurlik wuurt in huize Ewals auk volop aan Vastelaovend gedaon. Mit zien schoël duit Babette mei aan ’t Kinder Vastelaoves Leedjeskonkoer. De finale is op zondaag 9 fibberwarie in Heel. Zeej neume zich de partybiëste en zinge ’t liedje ‘Kingervastelaovend’. Weej winse eur netuurlik vuul sukses.

Babette: “Ik vind ’t super leuk um Mini-Nar van De 3-kes te zien. ’t Waas ‘nne kei leuke middaag in de Hermeniezaal. Ik heb hiel vuul zin in alle andere dinger die ik nog meug meimake.” De Mini-Nar is auk aanwezig tiédes De 3-kes Daag op zaoterdaag 22 fibberwarie 2025.

Weej winse Babette vuul plezeer in zien funksie as jeughoégheid.

Euverzich Mini-Narre

Mini-Nar Janne I (Mattheijssen) 2024
Mini-Nar Mila I (Loosveld) 2023
Ivm corona in 2021 en 2022 gen Mini-Nar
Mini-Nar Jarno I (van Veggel) 2020
Mini-Nar Marissa I (Geertsma) 2019
Mini-Nar Owen I (Gommans) 2018
Mini-Nar Jens I (Klerken) 2017
Mini-Nar Florijn I (Verweij) 2016
Mini-Nar Sam I (Horvers) 2015