Van Ârce wies Belvend euveral hebbe we weer ôs gezich laote zeen en de feesvreugde probere te verhoëge. De reis begôs mit ’t intern veurstelle op vriédaag 21 fibberwarie. Vanaaf det moment zien we wies aan Aswoensdaag in eine teug door gegaon.
De 3-kes Parade waas geweldig en drök bezoch mit vuul kollega hoéghede aanwezig woort Nar Benthe I (Steeghs) bekindgemak door wethalder Frans Schatorje. Op de Maashopper waas ’t good vol en woort ‘nne prachtige Felisitasie-Borrel belaef. We hebbe vuul bezeuke aafgelag, gebrunch, gefees en twie optochte gelaupe.
’t Vastelaoves-Kefee in d’n Bookend waas nog noeïts zoé drök bezoch en ‘nne top aovend. Veur de 2e kier hebbe we ‘Boéte gewoeéne De 3-kes Radio’ gemak op de Keulse Poort in Venlo. Niej waas de ‘Boéte gewoeéne De 3-kes wandeltoch’. Mit zo’n 50 deilnemers kinne we zegge det de iérste kier ein sukses waas.
We kieke mit ein good geveul truuk op ein joeksige periode. Veur noow de vastelaovesaccu good oplaaije en dan gaon we ôs weer veurbereide op seizoen 2025-2026.
