De 3-kes Narre-Zitting vond zondaag 7 jannewarie plaats. Veur ’t iérs in Tegele. De Hermeniezaal zoot gans vol mit minse. D’r kôs genne stool mier beej. Al dees minse zoog wie d’r aafscheid woort genaome van mini-nar Mila I (2023).
Netuurlik woort d’r auk weer ein nieje mini-nar bekindgemak. Det is Janne Mattheijssen gewaore. Deese vrolikke meid is 8 jaor en woént in Bliërick. ’t Kump oét ein echte vastelaovesfemilie. Same mit zien zus Benthe en zien elders viert ’t al van baby aaf de dolle daag. Het is auk nog alle jaore op De 3-kes Narre-Zitting gewaes.
Zien lievelingskleur is blauw en Janne aet hiel gaer frietjes. Het zit op de Titusbrandsma schoél. Janne duit gaer danse, zinge en speule mit de poppe. Auk haet ’t vuul vrindinnetjes wao het mei duit speule. Veur um is ‘nne wins in vervulling gegaon… Mini-Nar van De 3-kes. Het zal tiédes De 3-kes Daag (3 fibberwarie) auk aanwezig zien as de Groët Venloosche Nar 2024 wuurt bekindgemak.
Euverzich Mini-Narre
Mini-Nar Janne (Mattheijssen) 2024
Mini-Nar Mila I (Loosveld) 2023
Ivm corona in 2021 en 2022 gen Mini-Nar
Mini-Nar Jarno I (van Veggel) 2020
Mini-Nar Marissa I (Geertsma) 2019
Mini-Nar Owen I (Gommans) 2018
Mini-Nar Jens I (Klerken) 2017
Mini-Nar Florijn I (Verweij) 2016
Mini-Nar Sam I (Horvers) 2015