Vastelaovend 2024 zit d’r op. En waat hebbe we genaote. ’t Begôs mit ôs De 3-kes Narre-Zitting op zondaag 7 jannewarie. In Tegele woort Mini-Nar Janne I bekind gemak. Vervôlges kwame d’r veural waeke van opwerme en werm dreije. We hebbe maar leefs 5 Top 3/3 en 3 Top 33 radio oétzendinge gemak.
Groet Venloosche Nar Sjoerd I
Op zaoterdaag 3 fibberwarie organiseerde we veur de 1ste kier ‘De 3-kes Parade’. Maar leefs 23 collega vereniginge ging mit ôs de roeïe luiper euver. D’r woort volop geparadeerd en plezeer gemak. De gedeputeerde van cultuur Jasper Kuntzelaers makte Sjoerd Dings bekind as Groët Venloosche Nar 2024.
De boéttoch dae volgde waas enorm drök bezoch. We hebbe vervôlges ‘nne Joekstoer aafgelag dae deurde wies dinsdaagaovend. Toen veel ’t dook. In petit comité noome we beej Rhummery The Rub aafscheid van Sjoerd.
Boëte gewoëne De 3-kes radio
Hoégtepunte ware zeker de 2 optochte wao beej weej ôs mit vuul minse leete zeen. Vaerder hebbe we veur de iërste kier samegewerk mit de boétezitting. Zaoterdaag 10 fibberwarie hebbe we ‘Boëte gewoëne De 3-kes radio’ gemak. Nogmaols dank aan al ôs partners. ’t Waas te gek en mit ein bietje heimwee kieke we truuk op dees geweldige periode. Groët-Venlo bedank veur ’t mei buige & juiche!