De organisatse van de boétezitting en De 3-kes slaon tiédes de 35ste edisie weer de hand in elkaar. Zaoterdaag 14 fibberwarie wuurt d’r vanaaf 9.00 oor live Boétegewoeëne De 3-kes radio gemak vanoét ôzze mobiele studio. Tössedoor zien d’r interviews en reportages oét de binnenstad te beluustere en d’r zien inkele live optraejes en dj’s. ’t Is meugelik beej de mobiele studio te kômme kieke. Hotel Niej-Jork is geäöpend. De oétzending däört wies 14.30 oor.
Winaksie: Polsbendjes
2 vastelaovesvierders make kans op 2 polsbendjes veur de zoepkoel en ein unieke De 3-kes muts en sjaal. Steur dien favo-vastelaoves-liedje via dit formulier uuterlik maondaag 9 fibberwarie 2026. En vertel ôs waorum dit liedje veur dich zoé biezonder is.
Oét alle inzendinge waere inkele liedjes gekaoze die tiédes de oétzending waere gedreid. Netuurlik vertelle we doorbeej auk dien raeje um veur ’t betreffende liedje te kieze Inzenders kinne dus zelf gedeitelik de playlis samestelle.
Boétegewoeëne De 3-kes wandeltoch
Veur de 2e kier organisere weej ‘nne joeksige toertoch. De kins de dolle daag tegemoot laupe door 11.33 kilomaeter te wandele, door 3 stadsdeile en langs 5 vastelaoves kunswerke. Dit initiatief wuurt ondersteunt door Stadscomité BBZ Venlo en de Venlaup.
Laes heej mier euver ôs wandel-initiatief.
Dank aan ein aantal trouwe partners, daorum kinne we dit initiatief in 2026 wederum verwezenlikke. Weej bedanke: Femilie Engels (in ’t biezonder Mooders), Louis Huys spesjaal transport, Jathe Zeilmakerij, hotel Niej-Jork, Disco Limburg, Office Cube en Boels rental.