Wandel de vastelaovend tegemoot… zaoterdaag 6 fibberwarie: ‘Boétegewoeëne De 3-kes wandeltoch‘. ‘nne Joeksige toertoch van 11,33 kilomaeter.
Start en finish van de wandeltoch zien beej kefee de Baek. De start is um 9.30 oor beej ôzze mobiele studio. Belangriek is desse uuterlik um 14.30 oor truuk bis beej kefee de Baek. Deilname kôs € 11,33. Inschriéving geit tzt via de site van de Venlaup. De kriegs ‘nne unieke wandelmedalje en 3 consumpties onderwaeg. De consumpties kinse inwissele beej kefee Sintermerte (Tegele), De Paerdskoel (Bliërick) en kefee de Baek (Venlo).
Begins dich de dolle daag mit ‘nne joeksige toer van 11.33 kilomaeter? Wandel de dolle daag tegemoot en doot mei mit dit initiatief. Onderwaeg meugse altiéd ‘nne joeksige pitstop make beej de horeca die se taege kumps onder ’t wandele. De wandeltoch vindt plaats tiédes de live oétzending ‘Boétegewoeëne De 3-kes Radio‘.
Deze joekstoch organiseert De 3-kes in samewerking mit Stadscomité BBZ Venlo en de Venlaup.
PS: De wandeltoch meugse verkleid laupe, maar det heuf netuurlik neet. De kins auk gewoén in normale kleier laupe.
