De organisatse van de boétezitting en De 3-kes slaon tiédes de 35ste edisie weer de hand in elkaar. Zaoterdaag 14 fibberwarie wuurt d’r vanaaf 9.00 oor live Boétegewoeëne De 3-kes radio gemak vanoét ôzze mobiele studio. Tössedoor zien d’r interviews en reportages oét de binnenstad te beluustere en d’r zien inkele live optraejes. ’t Is meugelik beej de studio te kômme kieke. Restaurant Niej-Jork is geäöpend. De oétzending däört wies 14.30 oor.
Same mit ein aantal trouwe partners kinne we dit initiatief wederum verwezenlikke.
Groëte dank aan Boels rental, Louis Huys spesjaal transport, Jathe Zeilmakerij, restaurant Niej-Jork en Disco Limburg. Dankzij eur ondersteuning kinne weej mit ‘nne entoesiaste crew zaoterdaag 14 fibberwarie 2025 live radio gaon make.
Winaksie: Polsbendjes
2 vastelaovesvierders make kans op 2 polsbendjes veur de zoepkoel, ein ontbijt bij restaurant Niej-Jork en ein unieke De 3-kes muts. Steur dien favo-vastelaoves-liedje via dit formulier uuterlik maondaag 9 fibberwarie 2026. En vertel ôs waorum dit liedje veur dich zoé biezonder is.
Oét alle inzendinge waere 23 liedjes gekaoze die tiédes de oétzending waere gedreid. Netuurlik vertelle we doorbeej auk dien raeje um veur ’t betreffende liedje te kieze Inzenders kinne dus zelf gedeitelik de playlis samestelle.
Boétegewoeëne De 3-kes wandeltoch
Veur de 2e kier organisere weej ‘nne joeksige toertoch. De kins de dolle daag tegemoot laupe door 11.33 kilomaeter te wandele, door 3 stadsdeile en langs 5 vastelaoves kunswerke. Dit initiatief wuurt ondersteunt door Stadscomité BBZ Venlo en de Venlaup.
Laes heej mier euver ’t nieje initiatief.