De organisatse van de boétezitting en De 3-kes slaon tiédes de 36ste edisie weer de hand in elkaar. Zaoterdaag 6 fibberwarie vindt beej kefee de Baek de start en finish plaats van de ‘Boétegewoeëne De 3-kes wandeltoch‘ en veur de iërste kier vindt de ‘Boétegewoeëne Vastelaoves Check-in‘ plaats.
Check-in
Op ’t terras beej kefee de Baek wuurt ein kleinschalig vastelaovesfeesje gevierd. Idderein dae wilt is welkom um ’t feesje mei te viere. Alle vierders die wille kinne zich beej ôs inchecke um vastelaovend te gaon viere. Ôs joeks-douaniers staon klaor um idderein ‘nne fijne vastelaovend te winse beej de start/finish plek van de wandeltoch. Heej is auk de meugelikheid um ein leuke foto te make beej ôzze mobiele ‘Bliefs dich plekke’ fotozuil. Mit name veur alle vierder die mit de trein aankômme is de ‘check-in’ ein neet te misse onderdeil um d’n daag good te beginne.
Wandele
De gezamenlikke start van de wandeltoch is um 9.30 oor. Maximaal 111 wandelaars make ‘nne wandeltoch van ongevier 11,33 kilomaeter door de gemeinte Venlo. We zwaai-je same mit de Groët Venloosche Nar 2027 dees wandelaers oét. Zeej kômme begin van de middaag auk weer truuk beej kefee de Baek um ‘nne medalje in ontvangs te neme.
De ‘Boétegewoeëne Vastelaoves Check-in’ wuurt muzikaal opgeluusterd door DJ’s en inkele live artieste. En is live te beluustere via De 3-kes radio.
Winaksie: Polsbendjes BBZ
Auk in 2027 gaeve we weer 2 polsbendjes weg veur de ‘Boétegewoeëne Boétezitting’. We make op ein later moment bekind wie dees aksie d’r precies oét geit zeen.
Kiek heej beelde truuk van ein iedere produksie tiédes de Boétezitting van 2025